PADUDURUNGU 5
5
Na hamayangu karai mila eti
1Namuya, ou MIRI, jàka nggàraya na matàka-nggama.
Pa-taraku-nggama mata, dàngu tàngaru-ya na wawama.
2Da banda da-malanja kangeha-ma la lima tauhaka,
da umama tau nàmuka mangia-nja.
3Na amama da-pameti-yaka muhu;
kawini meti lei-yaka nàhu na inama, dàngu ana mamila-kamaka nyuma.
4Wai pa-unungu dàngu ai pa-mutungu
lupangu mawàngu pakei-maka bàdi.
5Hama tuna banda, ba hàni-kama paràma mambotu,
manjili, tàka nda pa-pahia-anggama pa-hangahu.
6Malua la Mehiru pakarai ma-milangu,
makarai pangangu welingu la Ahuru.
7Da bokuma la mangilu dawunda manjala,
nàhu mbàda nda ni-anjapa;
tàka na nyuna lupangu-maka nyuma ma-pàdangu mayila,
rukuda da njalada nyuda.
8Da-pareta-kama tau manda rihi welingu la ata;
nda ningua mamàka pa-pahàla-kama welingu lai nyuda.
9La hambeli paraingu, njadangu padua-danya da ma-pameti tau;
nda namara-a na lurima ba talànga himbuma pangangu.
10Ma-mayila paraï pa-rimbangu,
da manula-ma dambana hama tuna mata kalobungu-ha.
11Da kawini la Hiungu patama rumbaku-ha,
da ana karia pa-paànga-ha la nde - ndeha la Yahunda.
12Da liku uru - liku uruma payàpa-ha hi tiwalu-nja,
da ma-kaweda-ma nda pa-mahumbaru-anjapa.
13Da bidi minima pahàni-ha la paràma la ngia panggihu,
da anakeda mini da-kambitaku-ha ai paduku wàngu lundu dameti widi.
14Da ama bokulu nda da-pauhi-apa la pindu paraingu,
nda parongu-apa malingu pambabu wàngu la kaloka bidi tau.
15Na-yilangu-ka na-paohangu-ma;
pa-pahilungu wàngu wai mata wai wira-haka da renja.
16Na pa-hamemu wàma mbàda nda ni-anyapa,
ma-hanggàmaru ba mbàda njala-maka.
17-18Na Palindi Hiungu na malinggitu dàngu pa-dunjakungu-yaka;
lai nu da-tanyalangu da ahu rumba.
Rukuna nuna dira làjaru-ha da etima,
mahii lundu na lamaru hàla ba ma-tàngaru.
19Tàka Nyumu dumu ou MIRI, pa-daingu kawaha-mamu,
lundu nu - nu bau katangu pareta.
20Kanii hi tu-inaka mandaina na dunjaku-munggama?
ungalangu ihi pa-maromba pangala-nggama?
21Ou MIRI, karia beli-nggamawa lai Nyumu;
napa ma belima duma lai Nyumu!
Pajia beli-yawa na ngerama hama tuna welingu.
22Jàka ndia mbàda wàru pangala-mu-nggamaka?
Nda ningu-mapa dirana nahàngga-munggama?
Currently Selected:
PADUDURUNGU 5: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
