YAHAKIALU 2

1mapanii, “Ha dumu tau nda payatangu, ndolaku-wa. Ku-mbuhangu pa-kareuku dànggau nyumu,” wànangga. 2Ba talànga rongu-nggunya nuna na talia lii, tama-nanyaka na Ngahuna i Ala la wikinggu, hi na pa-ndolaku-ka. Hàlaka nu hi kuhili ronguya nuna na talia lii ba napanii, 3“Ha dumu tau nda payatangu, nyumu ku-paràha-nggau la tau Ihirailu da mambàda patula ngganggangu pa-rawaku-ka Nyungga. Nyuda ma-patula ngganggangu-maha hama tuda da boku la mangilu-da. 4Nyuda da-tongguru etida dàngu nda datembi-ka Nyungga. Nyumu ku-paràha-nggau lai nyuda kau patàka-nja jàka nggàraya na papanii-nggu Nyungga, MIRI Ala Hupu Majangga lai nyuda, 5jàka da-mbuhangu parongu ka ndiakai; tàka na ma-papingi lupangu dapi-manya bàdi ba ningu wunangu la hongada.

6Tàka nyumu dumu, ha tau nda payatangu, àmbu mangàdatu-dunja nyuda da ma-patula ngganggangu, jàka ndia la nggàra biaya na papanii-da. Napa nyuda da-ndubaku dàngu da-paaka-nggau, hi beri hama tuna luri-munya la honga tamihiku. Jiapa-kai ba tuna àmbu mangàdatu-du. 7Patàka ndàbanya na lii langunggu lai nyuda, jàka da-mbuhangu pa-patingingu ka ndiakai. Namuya ba ma-patula ngganggangu-maha nyuda.

8Ha dumu tau nda payatangu, patingi-nya jàka nggàraya na papanii-nggunggau nyumu. Àmbu kikungu-du pa-patula ngganggangu-mbu. Hanganga-wa dàngu nganyawa na pawua-nggunggau,” wànangga. 9Hàlaka nu hi kuita-ya na lima ma-pajolangu lai nyungga. La lima nuna ningu karàta pa-kulurungu, 10na pa-tulihu mbeli mbapa. Hàla hi na-wàlahu-ya na kuluru karàta, tàka lai nu pa-tulihu-ya na padudurungu, na pangodungu dàngu na kanjaïku.

Currently Selected:

YAHAKIALU 2: KAM

Highlight

Copy

Compare