Genesisi 35

Nungungulu a katekisa Jakobe le Beteli.

1Nungungulu aku ka Jakobe: Rura u kanziha kuya Beteli, u ya tshama kona; u ta ya aka kwalaho a alati ga Nungungulu loyi a nga woneka ka wena xikhatini lexo u nga wa chava mahlweni ka nakuloni Esau.

2Jakobe i lo byela vanhu va ngango wakwe ni vontlhe lava va nga hi zinwe naye, aku: Susani vanungungulu va matiko; lava mu nga navo, mu ti basisa mu ambala tinguwo tinwani. Jox. 24:2, 23; 1 Sam. 7:3

3Zonake hi ta suka hi kanziha hiya Beteli, nzi ta ya aka laho a alati ga Nungungulu loyi a nga nzi hlamula xikhatini xa kuxaniseka ka mina; i wa hi na mina ndleleni leyi nzi nga wa famba ka yona.

4Va lo hendleleta ka Jakobe vontlhe vanungungulu va matiko, lava va nga wa hi navo, ni zingwavila lezi zi nga wa hi tindleveni tabye, Jakobe i lo zi kolela lahasi ka nkuhlu lowu wu nga wa hi kusuhani ni le Xekemi.

5Va lo andlamuka. A xichavo xa Nungungulu xi wa hi ka miti leyo yi nga wa va ranzele, hikwalaho vona a va va lanzangi a vana va Jakobe.

6Jakobe ni vontlhe vanhu lava a nga wa hi navo va lota Luza, ku nga kona Beteli, tikweni ga Kanani.

7Zonake i lo aka laho a alati, a gi chula wutshamu lego ku ngalo, El-Beteli; hakuva hi kwalaho Nungungulu a nga ti wonekelisa ka yena xikhatini lexi a nga wa chava nakulobye.

8Ku lofa Debora, a muanwisi wa Rebeka; i lo lahliwa lahasi ka Beteli, a hasi ka nkuhlu; hikwalaho va lo wu chula vito gaku i Nkuhlu wa Mihloti.

9Nungungulu i lo engeta a ti wonekelisa ka Jakobe laha na a wuya hi le Padanaramu, i lo mu katekisa.

10Nungungulu i te ngalo kakwe: A vito ga wena u Jakobe, kanilezi a vito ga wena va nga ta ha wula vaku Jakobe; a vito ga wena u Israeli; zalezo i lo mu chula vito ga Israeli.

11Nungungulu aku kakwe: Hi mina Nungungulu wa ntamu wontihe; pswalani mu anza. Ku ta huma hi ka wena a tiko, ni wunyingi ga matiko, ni tihosi ti ta huma hi xiwunwini xa wena.

12A tiko legi nzi nga nyika Abrahama na Isaka, nzi ta gi nyika ka wena, nzi ta gi nyika ni ka pswalo wa wena anzhako ka wena.

13Nungungulu i lo kanziha, a suka ka wutshamu lego a nga wa wulawula zinwe naye.

14Jakobe i lo aka a mhinga ya maribye ka wutshamu lego Nungungulu a nga wulawula naye ka gona, i lo phahlela hehla ka yona, i lo chela mafura hehla ka yona.

15Jakobe i lo chula a wutshamu lego Nungungulu a nga wa wulawula naye ka gona, a vito ga Beteli.

16Va lo suka Beteli. Na ka ha hi pfhukana ku chikela Efrata; Rakeli i lo lunwa, kanilezi ku hefemula ku wa tsanza.

17Makunu laha kuhefemula ku nga wa tsanza, a sungukati giku ka yena: U nga chavi, hakuva u ta kuva ni nisanyana munwani.

18Zonake laha wu nga wa huma muhefemulo wakwe, i lo mu chula vito ga Ben-oni na a nga se kufa; kanilezi a raru wa mune i lo mu chula vito ga Benjamini.

19Zinghaho Rakeli i lofa a lahliwa laha ndleleni ya kuya Efrata, ku nga Betlehema.

20Jakobe i lo aka xialakanyiso hehla ka nkele wakwe; xialakanyiso xa nkele wa Rakeli kala nyamutlha.

21Israeli i lo suka, a gwimba tenda gakwe mahlweni ka Migdal-Edere.

22Zonake laha Israeli na akile ka lego tiko, Rubeni i lo etlela na Bilha, a mundlukulu wa raru wakwe; Israeli i lozwa mhaka leyo. Makunu a vana va Jakobe va wa hi khume ni vambiri.

23A vana ya Lea hi Rubeni, a matewula ya Jakobe, na Simoni, na Levi, na Juda, na Isakari, na Zebuloni.

24A vana va Rakeli hi Josefa na Benjamini.

25A vana va Bilha, a nanza ga xisati ga Rakeli, hi Dani na Naftali.

26A vana va Zilpa, a nanza ga xisati ga Lea, hi Gadi na Axeri. Lava hi vana va Jakobe lava a nga beleka le Padanaramu.

27Zonake Jakobe i lo chikela ka Isaka, a raru wakwe, le Mamre a mutini wa Kiryat-arba kwale. Hebroni, laho ku tshamileko Abrahama na Isaka.

28A masiku ya Isaka ma wa hi 180 wa malembe.

29Zonake Isaka i lo nyikela moya wakwe, afa; i lo amukelwa ka va ka kabye na a hi wa kale, a hi ni masiku yo tala; a vana vakwe Esau na Jakobe, va lo mu lahla.

Currently Selected:

Genesisi 35: TSC72

Highlight

Compare

Copy