Popular Bible Verses from Genesisi 35

Share

Nungungulu aku kakwe: Hi mina Nungungulu wa ntamu wontihe; pswalani mu anza. Ku ta huma hi ka wena a tiko, ni wunyingi ga matiko, ni tihosi ti ta huma hi xiwunwini xa wena. A tiko legi nzi nga nyika Abrahama na Isaka, nzi ta gi nyika ka wena, nzi ta gi nyika ni ka pswalo wa wena anzhako ka wena.

Zonake hi ta suka hi kanziha hiya Beteli, nzi ta ya aka laho a alati ga Nungungulu loyi a nga nzi hlamula xikhatini xa kuxaniseka ka mina; i wa hi na mina ndleleni leyi nzi nga wa famba ka yona.

Nungungulu i te ngalo kakwe: A vito ga wena u Jakobe, kanilezi a vito ga wena va nga ta ha wula vaku Jakobe; a vito ga wena u Israeli; zalezo i lo mu chula vito ga Israeli.

Jakobe i lo byela vanhu va ngango wakwe ni vontlhe lava va nga hi zinwe naye, aku: Susani vanungungulu va matiko; lava mu nga navo, mu ti basisa mu ambala tinguwo tinwani.

Nungungulu aku ka Jakobe: Rura u kanziha kuya Beteli, u ya tshama kona; u ta ya aka kwalaho a alati ga Nungungulu loyi a nga woneka ka wena xikhatini lexo u nga wa chava mahlweni ka nakuloni Esau.

Zonake laha wu nga wa huma muhefemulo wakwe, i lo mu chula vito ga Ben-oni na a nga se kufa; kanilezi a raru wa mune i lo mu chula vito ga Benjamini.