Genesisi 36
36
A vazukulu va Esau.
1Leli hi lixaka la Esau, loyi a nga Edomi:
2Esau a vasati vakwe i wa tekile a vana va maKanani; ku wa hi Ada a nʼwana wa Eloni, a muHiti, na Oholibama, a nʼwana Ana, nʼwana wa Zibeoni, a muHivi;
3na Basemati, nʼwana wa Ixmaeli, a makabye wa Nebaiote.
4Ada i lo belekela Esau, Elifaze; Basemati a beleka Reueli;
5Oholibama i lo beleka Jeuxa, na Jalama, na Kora. Lava hi vana va Esau lava a nga beleka tikweni ga le Kanani.
6Zonake Esau i lo teka vasati vakwe ni varisanyana vakwe ni vanhanyana vakwe, ni vanhu vontlhe va ngango wakwe, ni mitlhambi yakwe, ni zontlhe zifuyo zakwe, ni tshomba yakwe a nga yi kuma tikweni ga le Kanani, aya ginwani tiko kule ni nzisana yakwe Jakobe.
7Hakuva a zifuyo zabye zi wa tele nguvu, laha kaku a tiko lego va nga wa akile ka gona gi wa nga va enelisi hi kota ya mitlhambi yabye.
8Hikwalaho Esau i lo ya aka le xitsungeni xa Seire; Esau hi yena Edomi.
9Leli hi lixaka la Esau, a nga nyapanze wa va ka Edomi, le xitsungeni xa Seire.
10A mavito ya vanana va Esau hi laya: Elifaze nʼwana Ada, a sati wa Esau; Reueli nʼwana wa Basemati, sati wa Esau.
11A vana va Elifaze hi Temani, na Omari, na Zefo, na Gatama, na Kenazi.
12Timna loyi a nga wa hi mundlukulu wa Elifazi, nʼwana Esau, i lo beleka Amaleki. Lava hi vana Va Ada, kata Esau.
13A vana va Reueli hi lava: Nahata, na Zera, na Xama, na Miza, lava-ke va wa hi vana va Basemati kata Esau.
14A vana va Oholibama, a nʼwana Ana wa Zibeoni, kata Esau, hi lava: Oholibama i lo belekela Esau, Jeuxa, na Jalama, na Kora.
15A tihosana ta lixaka la vana va Esau hi leti: lomu ka ngango wa Elifazi, a matewula ya Esau, a hosi Temani, ni hosi Omari, ni hosi Zefo, ni hosi Kenazi,
16ni hosi Kora, ni hosi Gatama, ni hosi Amaleki. Leti hi tona tihosi ti humako ka ngango wa Elifazi, le tikweni ga Edomi. Va nga vona vana va Ada.
17A vana va Reueli, a nʼwana Esau, hi lava: hosi Nahata, hosi Zera, hosi Xama, hosi Miza. Leti hi tihosi ti humako ngangweni wa Reueli, le tikweni ga Edomi. Hi vona vana va Basemati, kata Esau.
18A vana va Oholibama kata Esau, hi lava: hosi Jeuxa, hosi Jalama, hosi Kora. Leti hi tihosi ti humako ngangweni wa Oholibama, nʼwana Ana, kata Esau.
19Lava hi vana va Esau, a nga yena Edomi, ni tihosi tabye hi twaleto.
20A vana va Seire a muHori, lava va nga wa akile lomo tikweni hi lava: Lotani, na Xobala, na Zibeoni, na Ana,
21na Dixoni, na Ezeri, na Dixani. Leti ti wa hi tihosi ta vana va Hori, nʼwana Seire, tikweni ga le Edomi.
22A vana va Lotani hi Hori na He-mami; ni makabye wa xisati wa Lotani i wa hi Timna.
23A vana va Xobala hi lava: Alvani, na Manahate, na Ebali, na Xefo, na Oname.
24A vana va Zibeoni hi lava: Aya na Ana. Hi yena Ana loyi a nga kuma tihlowo ta mati yo kufumela le xiwuleni na a kari a risa timbongola ta raru wakwe Zibeoni.
25A vana va Ana hi lava: Dixoni na Oholibama, a nhanyana wa Ana.
26A vana va Dixoni hi lava: Hemdani, na Exbani, na Jiterani, na Kerani.
27A vana va Ezeri hi lava: Bilhani na Zavani, na Akana.
28A vana va Dixani hi lava: Uza na Arana.
29Leti hi tihosi ta vaHori: hosi Lotani, ni hosi Xobali, ni hosi Zibeoni, ni hosi Ana,
30ni hosi Dixoni, ni hosi Ezeri ni hosi Dixani. Hi tona tihosi ta vaHori hi mifumo yabye lomu tikweni ga Seire.
31Leti hi tihosi leti ti nga fuma tikweni ga Edome, na ku nga se fuma hosi xikari ka vana va ka Israeli.
32Lomu tikweni ga Edome ku lo fuma Bela, nʼwana Beori; ni vito ga muti wakwe ku wa hi Dinhaba,
33Ku lofa Bela, ku fuma Jobaba, nʼwana Zera wa le Bozra wutshanwini gakwe.
34Ku lofa Jobaba, zonake ku fuma Huxamu, wa tiko ga le Temani.
35Kufa Huxamu, ku fuma Hadadi, nʼwana Bedadi, loyi a nga hlasela maMidiani tikweni ga le Moabi, a vito ga muti wakwe ku wa Aviti.
36Ku lofa Hadadi, ku lo fuma Samla wa le Masreka.
37Kufa Samla, ku fuma Xaule wa le Rehoboti wa le congweni.
38Ku lofa Xaule, ku fuma Baal-Hanana a nʼwana Akbori.
39Baal-Hanani nʼwana Akbori i lofa, ku lo fuma Hadari: ni vito ga muti wakwe ku wa hi Pau; ni vito ga sati wakwe ku wa hi Mehetabeli, a nhanyana wa Matredi, wa nhanyana wa Mezahaba.
40A mavito ya tihosi leti ti nga huma hi ka Esau, hi mingango yabye ni matiko yabye, ni zibongo zabye hi laya: hosi Timna, hosi Aliva, hosi Jetete,
41hosi Oholibama, hosi Ela, hosi Pinoni,
42hosi Kenazi, hosi Temani, hosi Mibzare,
43hosi Magdieli, hosi Iramu. Leti hi tihosi ta va ka Edome, hi kuaka kabye lomu tikweni ga tshomba yabye; ni raru wa va ka Edome hi Esau.
Currently Selected:
Genesisi 36: TSC72
Highlight
Share
Compare
Copy
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
