1 Va le Korinte 13
13
Liranzo.
1Hambu loku nzi nga wulawula hi tirimi ta vanhu ni ta tingelosi, kanilezi na nzi nga hi na liranzo, nzi kotisa mpunzu wu vumako, kutani nyangende a ngelengetako. Rom. 14; 1 Tim. 1:5
2Ni loku, nzi hi ni xinyikiwo xa kuprofeta, nzi tiva mifihlakalo yontlhe ni kutiva kontlhe; hambu nzi hi ni kukholwa kontlhe lezaku nzi kunula ni zitsunga, loku nzi nga hi na liranzo a nzi nchumu. Mat. 7:22; Lu. 17:6
3Hambu nzi avela zontlhe nzi nga nazo ku gisa lava va vumalako, ni loku nzi nyika a miri wa mina a kuva wu hiswa, kanilezi na nzi nga hi na liranzo, nzi nga ta bhinzula nchumu. Mat. 6:1, 2
4A liranzo li na ni lihlaza-mbilu, li nene; a liranzo a li na makangwa; a liranzo a li ti mahisi matshanza, a li ti kukumukisi, 1 Ped. 4:8
5a li mahi lezi zi nga faneliko, a li ti laveli za lona, a li na kuzangara, a li alakanyeli hi kubiha loku li mahelweko kona; Fil. 2:4; 4:8
6A li tsaki hi lezi zi nga lulamangiko, kanilezi li tsakelana ni zinene. Tis. 10:3; Rom. 1:32; 2 Joh. 4
7Li nonoka ku zwata zilo zontlhe, li kholwa zilo zontlhe, li tsumba zilo zontlhe, li timisela zilo zontlhe. Gal. 6:2
8A liranzo cima li nga ta fuva. Kanilezi a kuprofeta ku ta hunza; ni ku wulawula hi tirimi ku ta mbhela; ni kutiva ku ta hunza.
9Hakuva hi tiva khihlanya, hi profeta khihlanya; Xip. 8:2
10kanilezi loku zi tile lezi zi mbheleleko, lezi za khihlanya zi ta hunza. Isa. 60:19; Jer. 31:34
11Laha nzi nga hi xihlangi, nzi lo wulawula kota xihlangi, nzi pima kota xihlangi, nzi alakanya kota xihlangi; makunu lezi nzi nga wanuna, nzi tsikile a za wuhlangi.
12Hakuva makunu hi wonisa lirambela, khwatsi hi laha wonini, kanilezi hi lexo xikhati hi ta wonana nghohe ni nghohe. Makunu nza tiva khihlanya ntsena, kanilezi hi lexo xikhati nzi ta tiva zontlhe kota lezi mina nzi tibyilweko hi kuteleko. Mat. 18:10; 2 Kor. 3:18; 5:7; 1 Joh. 3:2
13Makunu zi te tsoma lezi zinharu, a kukholwa, ni kutsumba, ni liranzo; kanilezi a xa hombe nguvu ka zona hi liranzo. Mat. 22:38
Currently Selected:
1 Va le Korinte 13: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
