Popular Bible Verses from 1 Va le Korinte 13

Share

A liranzo li na ni lihlaza-mbilu, li nene; a liranzo a li na makangwa; a liranzo a li ti mahisi matshanza, a li ti kukumukisi, a li mahi lezi zi nga faneliko, a li ti laveli za lona, a li na kuzangara, a li alakanyeli hi kubiha loku li mahelweko kona

Li nonoka ku zwata zilo zontlhe, li kholwa zilo zontlhe, li tsumba zilo zontlhe, li timisela zilo zontlhe.

A li tsaki hi lezi zi nga lulamangiko, kanilezi li tsakelana ni zinene.

Makunu zi te tsoma lezi zinharu, a kukholwa, ni kutsumba, ni liranzo; kanilezi a xa hombe nguvu ka zona hi liranzo.

A liranzo cima li nga ta fuva. Kanilezi a kuprofeta ku ta hunza; ni ku wulawula hi tirimi ku ta mbhela; ni kutiva ku ta hunza.

Hambu loku nzi nga wulawula hi tirimi ta vanhu ni ta tingelosi, kanilezi na nzi nga hi na liranzo, nzi kotisa mpunzu wu vumako, kutani nyangende a ngelengetako.

Ni loku, nzi hi ni xinyikiwo xa kuprofeta, nzi tiva mifihlakalo yontlhe ni kutiva kontlhe; hambu nzi hi ni kukholwa kontlhe lezaku nzi kunula ni zitsunga, loku nzi nga hi na liranzo a nzi nchumu.

Hambu nzi avela zontlhe nzi nga nazo ku gisa lava va vumalako, ni loku nzi nyika a miri wa mina a kuva wu hiswa, kanilezi na nzi nga hi na liranzo, nzi nga ta bhinzula nchumu.

Laha nzi nga hi xihlangi, nzi lo wulawula kota xihlangi, nzi pima kota xihlangi, nzi alakanya kota xihlangi; makunu lezi nzi nga wanuna, nzi tsikile a za wuhlangi.