Dzindzimo 18
18
Ndzimo nya gupale
(2 Samuweli 22:1-51)
Ga muthangeli nya tsawa nya vaembeleli. Ndzimo ya Dhavhidhe, githumi gya Pfhumu Nungungulu, embide ndzimo yeyi gikhati Pfhumu Nungungulu, a nga mu vbulugisago ga valala vaye vatshavbo ni mandzani ga Sawule. A ganela, khuye:
1Eni nyi ngu gu haladza khu monyo wangu,
uwe Pfhumu Nungungulu,
khuwe tshivba yangu,
2 Pfhumu Nungungulu, givhikelo gyangu, likhokhola langu,
mudzegisi wangu;
nyi ngu thavela gwaye, muvhikeli wangu,
gitshangu ni tshivba nya guvbanyiswe gwangu,
langwe yangu nya gutiye, wuthavelo wangu.
3Eni nyi di rana Pfhumu Nungungulu, a gu ni fanelo nya gurungudzwe,
a na nyi vbanyisa ga valala vangu.
4Mavimbi nya lufu ma di nyi fenengedza,
nyi langaladzwa khu mati nya tshivba.
5Tshivba nya lufu yi di nyi randrela
nyi modwa khu mazinga yaye.
6Wuvini gwangu, nyi di rana Pfhumu Nungungulu,
nyi di khusa lito nyi rana Nungungulu wangu;
Uye khu nyumbani gwaye a di yingisa lito langu,
huwa yangu yi di vboha dzindzeveni gwaye.
7Litigo li di thuruga li ndrendremela,
matshina nya sigomo ma di kutsungwa
khu kotani nya likhulo laye.
8Wu di duga wutshi khu dzithonvuni gwaye,
khu kanani gwaye, gu duga nilo nya guvbise,
gu duga magala nya gungangamele.
9Uye a di tula ndzadzini a tshiga,
na gandride lipfhi nya gusivbale migondroni gwaye.
10A di khilela likerubhimi a puruma,
a vbuvba mambapini nya phuvbo.
11A di dzega gidema a gira gifenengelo gyaye,
tshatsha waye wu di girwa khu mati nya gusivbale
ni mapfhi nya guthise. 12Khu gungangamela nya khovbe yaye,
mapfhi ma di phalalega,
gu gira maralala ni magala nya nilo
13 Pfhumu Nungungulu a di pandra mabara ndzadzini,
oyu a guromo vbatshani ngudzu a di pwadza lito laye.
14A di rinya sighalala saye a va phalalegisa,
a di va tutumisa khu gulasa gwaye.
15Khavbo avbo, gu di wonega gueta nya yiphwa,
gu fuguga matshina nya litigo
khu kotani nya gudzume gwago Pfhumu Nungungulu,
ni phuvbo yi nga furugedza khu dzithonvuni gwago.
16Khu vbatshani a guromo iyo, a di rumela guta nyi dzega,
a nyi dusa khu matini nya mwedzi nya tshivba.
17A nyi vbulugiside ga nala nya tshivba
ni ga avo va nyi vengago,
kholu va diri ni tshivba gu nyi vbindra.
18Va di nyi wugela litshigu nyi nga bani nyiri wuvini,
aholu Pfhumu Nungungulu a di ta nyi tiyisa.
19A di nyi dusa a nyi yisa hwindzo ni mhango,
a nyi vbulugisa kholu a di gu nyi haladza.
20 Pfhumu Nungungulu a di nyi phara gukhedza
khu gululama gwangu,
a nyi tshatshazela, kholu mandzani gwangu gu mwalo nandru.
21Kholu nyi landriside dzindzila dza Pfhumu Nungungulu,
gima kha nya wugela Nungungulu wangu.
22Milayo yaye yatshavbo yi diri mbeli gwangu,
gima kha nya hambana ni sileletelo saye;
23Nyi tumbegide mahoni gwaye
nyi dzi vegisa nyamba ghoha.
24 Pfhumu Nungungulu a ngu nyi tshatshazela
khu kotani nya gululame gwangu,
khu maho yaye a ngu wona gukhuye nyi mwalo nandru.
25Ga oyu a tumbegidego, Uwe u tumbegide,
U lulamide ga oyu a lulamidego.
26U agide ga oyu a agidego
aholu, ga oyu nya guvivbe u ngu nonedza wugengeli.
27Kholu uwe wa gu vbanyisa sisiwana
u tshisa vbavbatshi va nya matshandza.
28 Pfhumu Nungungulu, khuwe kandriya yangu,
Nungungulu wangu, wenengedza gidema gyangu.
29Khu gu phaswa khu uwe nyi ngu bela litungani,
khu tshivba ya Nungungulu wangu, nyi ngu ndraga mabhiyo.
30Ndzila ya Nungungulu yi lulamide,
magana ya Pfhumu Nungungulu ma tumbegide,
khuye gitshangu ga vatshavbo va thavelago gwaye.
31Khu mani a gu Nungungulu vbavbandze
ga Pfhumu Nungungulu, basi?
Khu mani muvhikeli, vbavbandze
ga Nungungulu wathu?
32Uye khuye Nungungulu a nyi ambagisago tshivba,
khuye a lulamisago ndzila yangu.
33 # Wona gambe: Habh 3:19. Khuye a vbevbugisago mawundru yangu ma fanana ni aya nya yisya,
a nyi tiyisa vbatshani nya sigomo sangu.
34A ngu hevbudza mandza yangu gu dwana nyimbi
ni mawogo yangu gu ghwimba wulaho nya gikete.
35Uwe u ngu nyi ninga gitshangu gyago nya guvbanyise,
libogo lago la nyamudye li ngu nyi tiyisa,
khu garali khu gu nyi sayisa khu wuwadi wago.
36U ngu anamisa ndzila migondroni gwangu,
mawundru yangu kha ma khuyugeli.
37Nyi di landra valala vangu nyi va mola,
kha nya bwelela hwane na nyi si gu va mbembisi.
38Eni nyi va sasede, va si kodzi ni gu wuga,
va thegela vbavbatshi nya migondro yangu.
39U nyi ambagiside tshivba nya guye dwana nyimbi
u nogisa valala vangu va khoza gwangu.
40U ngu nyi ninga mihwambo ya valala vangu,
gasi nyi fuvisa avo va nyi vengago.
41Avo va gu lila, aholu mwalo nya gute va vbanyisa;
va gu lila ga Pfhumu Nungungulu, aholu uye kha va hakhi.
42Eni nyi di va kuya kha nga kudzudzwane
wu phalalegiswago khu phuvbo,
nyi di va dzudzuga kha nga maraga ya ndzilani.
43Uwe u di nyi vbulugisa mayungani ya vathu vangu,
U nyi gira muthangeli nya mayigo;
lihundzu nyamba liti li ngu nyi thumela.
44Va nya mayigo va nguta va ta khoza gwangu,
avo va nga nyipwa, va di nyi yingela.
45Sanana sa va nya mayigo sa gu vbela tshivba,
si duga khu makhokholani gwawe na si gu ndrendremela.
46A na vbanye Pfhumu Nungungulu,
a na rungudzwe muvhikeli wangu,
a na khusedzwe Nungungulu, muvbanyisi wangu;
47Nungungulu khuye a nyi ningago tshivba nya guphodze;
khuye a nyi ningago gu fumela mayigo.
48Uwe u ngu nyi vbulugisa ga valala vangu va tadego khu likhulo,
u nyi khusedza ga vale va nyi vengago,
u nyi tshula ga muthu nya dzihanyi.
49 # Wona gambe: Rom 1:9. Khu guralo, eni nyi ngu gu rungudza vbakari nya mayigo,
Pfhumu Nungungulu,
nyi ngu emba rungudzo nya lina lago.
50Uye khuye a ningago gupala mufumeli waye,
gambe a ngu yeyedza lihaladzo ga wule a mu hathidego,
khu kotani ya Dhavhidhe ni sanana saye kala gupindruga.
Currently Selected:
Dzindzimo 18: BGG2014
Highlight
Share
Compare
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
