Popular Bible Verses from Dzindzimo 18

Share

PFHUMU Nungungulu, givhikelo gyangu, likhokhola langu, mudzegisi wangu; nyi ngu thavela gwaye, muvhikeli wangu, gitshangu ni tshivba nya guvbanyiswe gwangu, langwe yangu nya gutiye, wuthavelo wangu.

Ndzila ya Nungungulu yi lulamide, magana ya PFHUMU Nungungulu ma tumbegide, khuye gitshangu ga vatshavbo va thavelago gwaye.

Eni nyi di rana PFHUMU Nungungulu, a gu ni fanelo nya gurungudzwe, a na nyi vbanyisa ga valala vangu.

Wuvini gwangu, nyi di rana PFHUMU Nungungulu, nyi di khusa lito nyi rana Nungungulu wangu; Uye khu nyumbani gwaye a di yingisa lito langu, huwa yangu yi di vboha dzindzeveni gwaye.

PFHUMU Nungungulu, khuwe kandriya yangu, Nungungulu wangu, wenengedza gidema gyangu.

Uye khuye Nungungulu a nyi ambagisago tshivba, khuye a lulamisago ndzila yangu.

A na vbanye PFHUMU Nungungulu, a na rungudzwe muvhikeli wangu, a na khusedzwe Nungungulu, muvbanyisi wangu