Isaya 1
1
I. GITIVISO KHU MAHUNGU YA JUDHA NI JERUSALEMA#1:0 Mahungu yaya ya Judha ni Jerusalema ma gu ganela khu thumo watshavbo wa muprofeti hi wu manago gukhugela gipimo 1 kala gipimo 39. Jerusalema ni Judha gu thudwa vatshavbo ni litigo latshavbo la na Israyeli.
Litigo nya sighoho
1 # Wona gambe: 2 Dzipf 15:1-7; 15:32-38; 16:1-9; 18:1—20:21; 2 Dzik 26:1-23; 27:1-9; 28:1-27; 29:1—32:33. Giwoniso gya Isaya, mwamana wa Amosi, a gi wonidego khu kotani ya Judha ni Jerusalema, matshiguni ya Uziya, Jotamo; Akazi; ni Ezekhiya; vafumeli va Judha.
2Yingisani, enu dzindzadzi, tula ndzeve, uwe litigo,#1:2 Ndzadzi ni mafu sa gu ranwa gu khala dzifakazi dza Nungungulu a lamulago vathu vaye va nga tumbega ga milayo ni gidzumeledzwano gyaye.
kholu Pfhumu Nungungulu a ngu ganela, khuye:
“Nyi velegide sanana nyi si dandrisa,
aholu sa gu nyi wugela.
3Mombe yi ngu muti mune waye,
buru niyo, yi ngu giti gighowolo
gya mune waye;
aholu Israyeli, kha nyiti,
vathu vangu kha va pimi gilo.”
4Libango ga litigo leli nya gutale khu sighoho,
vathu va rwadego sighoho,
lifumbu nya mithumo nya guvivbe,
sanana nya sidambane;
va pfhurarede Pfhumu Nungungulu,
va hembulula nya Guage wa Israyeli, va bwelelela hwane. #1:4 Nyaguage wa Israyeli khilo lina muprofeti Isaya a golago ngudzu gu rana khilo Jehovha, Pfhumu Nungungulu. Wona (Isa 5:16—19:24; 10:17; 30:11; 55:5). Mavbanyelo yatshavbo nya vathu va Israyeli gu vbwetega ma wenengedwa khu guaga gwa Nungungulu, khugo gu hambanisago vathu va Nungungulu ni vambe vathu nya mambe mayigo.
5Khu ginani mu na gu simamago mu tsayiswa,
khu guyeyisa gwanu?
Mihungo yanu yatshavbo yi ngu dwala,
ni myonyo yanu yi vbede tshivba.
6Gukhugela migondroni kala hungoni
gu mwalo ni wulanga wu vbanyago gwadi,
givili gyatshavbo sithunya, dzimbanga ni silondra
nyamba handzwa ambari gu hungeledwa,
mwendro gu nyegiswa khu mafura.
7Litigo lanu li khade marumbi,
madhoropa yanu, ma rothidwe khu nilo;
va nya mayigo va mi dzegede litigo lanu
na mu gu va wona;
litigo li khade marumbi
gukhwatshi li di phangwa khu va nya mayigo.
8Lidhoropa la Siyoni#1:8 Lidhoropa la Siyoni mwendro gupwani Nyamahegyane wa Siyoni, guthudwa lidhoropa ni vathu vatshavbo va Jerusalema. Wona (Isa 10:32; 37:22; 2 Dzipf 19:21-28; Dzind 2:6; Jer 4:31). li tshade giwulani
gu fanana ni tshatsha wa mahangeni,
gu fanana ni gikhwathi thembweni nya madzwani,
gu fanana ni lidhoropa li randredwego khu valala.
9 # Wona gambe: Gen 19:24; Rom 9:29. Naripwani Pfhumu Nungungulu nya Tshivba Yatshavbo#1:9 Avba Isaya a gu ganela khu “Yave Sabaot” gutshamuselago Nungungulu nya sivangwa satshavbo. Lina li hi embelago khu tshivba ya Pfhumu Nungungulu vbatshani nya sivangwa satshavbo. (Isa 1:2: 1 Sam 1:3).
kha nga hi tshiyela vambe nya gukari, va vbanya,
hi di hadza gu fanana ni Sodhoma, hi fanana ni Ghomora.
Phaso wu vbwetwago khu Nungungulu
(Dzindzimo 50:8; Jeremiya 6:20; Amosi 5:21)
10Enu vathangeli va Sodhoma,
yingisani magana ya Pfhumu Nungungulu;
tulani dzindzeve enu vathu va Ghomora,
mupwe nayo wa Nungungulu wathu.
11Dza gu nyi phasa ginani
dzimhamba dzanu nya dzingi?
A ngu wudzisa Pfhumu Nungungulu.
Nyi garade khu miphaso yanu nya guvbiswe
nya dzinvuta ni mafura nya sifuyo nya gunone.
Kha nyi tsakiswi khu novba nya sikuzyana,
nya dzinvuta, ni vanyamabhongwe.
12Enu mwa guta mbeli gwangu,
khu mani a mi ranidego guta bela likupakupani
nya nyumba yangu?
13Mu nga simami gu nyi reselani gambe
miningelo yanu nyamba phasa gilo;
kholu libani lanu, li ngu nyi nyenyeza,
ni Mibuzo nya Gumege Ngima gambe, ni dzisabhadho,
ni mitshangano nya yikhongolo;
nyi garade khu guvivba gwanu,
ambari khu mimbe mitshangano mu girago.
14 # Wona gambe: Amos 5:21-22. Mibuzo yanu Gumege nya Ngima
ni mimbe mibuzo nya miphaso, yi ngu swihadza hefemulo wangu,
yi ngu nyi lemela;
nyi garade khu gusaniseka.
15Avbo mu khusedzago mandza yanu mu lombelela,
eni nya gu siha khovbe yangu;
ambari mwa gu engedzela milombelo yanu,
eni kha nyi na mi yingisa,
kholu mandza yanu ma tade khu novba.
16Hambani, mu dzi agisa,
ndreyisani mahoni gwangu sigiro sanu nya guvivbe,
si yiseni hwindzo ni eni;
digani gu gira mithumo nya guvivbe.
17Hevbulani gu gira ugo gu gu gwadi,
vbwetani gu gira gululama,
vbedzani dzitshanisa,
kawukani vatshanisi;
vhikelani fanelo nya khulungu ni fanelo nya dzinoni.#1:17 Dzikhulungu, dzinoni ni valuveli va diri avo sisiwana sakone nya mahegiso ga matshigu yale, kholu va diri mwalo wawe nya gu vhikele dzifanelo dzawe. Khu guralo Nungungulu a di va hatha gikhati gyatshavbo gu khala Uye muvhikeli wawe. Wona (Isa 1:23; 9:16; 10:2 Eks 22:20-24; Dhet 10:18; Dzin 82:3; Jer 7:6; 22:3)
18 # Wona gambe: Dzind 51:7. Deluni, hongoleni hi pimise gumogo khu mahungu yaya;
A ngu ganela Pfhumu Nungungulu, khuye:
Ambari sighoho sanu
na si sivbade kha nga wugala,
nyi na si agisa kha nga hunguva;
ambari sa gu fanana ni giwunguwungu,
nyi na si agisa kha nga mawoya nya nvuta.
19Mwa gu bani mu dzi emisede gu nyi yingisa,
mu na hodza nya sadi sa tigoni momu.
20Aholu, mwa gu bomba, mu simama gu ganedza,
mu na mbembiswa khu matshari;
a ngu ganela Pfhumu Nungungulu.
Gulamudwa ni gu dzegiswa gwa Jerusalema
(Jeremiya 5:28; Ezekiyeli 22:22; Hoseya 9:15)
21Wonani lidhoropa leli nya gutumbege,
li vbindrugedzidego li khala libhemba!#1:21 Gumba tumbega ga vathu va Nungungulu gwa gu pimaniswa umo nya Bhibhiliya ni gighoho nya wubhayi. Israyeli a hindzago lipango ni Nungungulu, a gu diga Nungungulu waye aya dzi tshanganisa ni vambe vanungungulu a gu manega na gu dzi gira libhemba. Wona (Hos 2:4-8; 3:1-5).
Umo gu nga bani na gu tade khu gululama,
olu, gu tade khu sighevenga!
22Parata yago yi pfhurede khandri ya gilo,
ni vbinyu yago, yi vbindrugedzide yi khala huto.
23Manganagana yago vaganedzi,
gambe dzipari nya dzimbafa;
vatshavbo va gu dzumela gu rengeledwa
khu dzitsapawu,
va gu khatalela gu hakha sihiwa.
Kha va vhikeli sigulungu,
gambe kha va vhikeli dzifanelo nya dzinoni.
24Khu guralo, a ngu ganela
Pfhumu Nungungulu nya Tshivba Yatshavbo,
nya Dzitshivbe wa Israyeli, khuye:
Wonani! Nyi na guhula likhulo langu
vbatshani ga vale va nyi vengago,
nyi na phodza ga valala vangu.
25Nyi na gu wugela nyi gu veta khu mandza yangu,
nyi na gu agisa u vbelela,
nyi gu guha kha nga gikete nya gupfhurele,
gi nyiviligago khu nilo.
Ndzilo mu gu nayo, nyi na yi dusa yatshavbo.
26 # Wona gambe: Zak 8:3. Nyi na gu wuyisela valamuli vago, nya gufanane ni vale va gale,
ni vasingalagadzi vago kha nga guhegulani;
khavbo u na ranwago nyaluphye, gupwani
u lidhoropa nya gululame ni gutumbega.
27Siyoni a na dzegiswa khu wululami,
ni avo va na dzi layago va wuya gwaye, khu gululama.
28Aholu, va nya guvivbedwa khu myonyo ni sighohi,
va na pfhungumudwa gumogo vatshavbo;
avo va pfhurarelago Pfhumu Nungungulu, va na mbembiswa.
29Mu na khala dzitshoni khu kotani
nya miguhu yi nga bani yi mi tsakisa,
mu thedwa dzitshoni khu marembwe
mu ma hathidego.
30Mu na khala kha nga nguhu,
mahagane yaye ma wunago,
gu fanana ni likhabi nyambana mati.
31Muthu nya tshivba a na fanana ni mavivi,
ni thumo waye, wu na khala kha nga tshahe nya nilo;
vatshavbo va na vbiswa gumogo
va hamuga ni muthu nya gu va tshimele.
Currently Selected:
Isaya 1: BGG2014
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
