Popular Bible Verses from Isaya 1

Share

Deluni, hongoleni hi pimise gumogo khu mahungu yaya; A ngu ganela PFHUMU Nungungulu, khuye: Ambari sighoho sanu na si sivbade kha nga wugala, nyi na si agisa kha nga hunguva; ambari sa gu fanana ni giwunguwungu, nyi na si agisa kha nga mawoya nya nvuta.

Mwa gu bani mu dzi emisede gu nyi yingisa, mu na hodza nya sadi sa tigoni momu.

Hevbulani gu gira ugo gu gu gwadi, vbwetani gu gira gululama, vbedzani dzitshanisa, kawukani vatshanisi; vhikelani fanelo nya khulungu ni fanelo nya dzinoni.

Aholu, mwa gu bomba, mu simama gu ganedza, mu na mbembiswa khu matshari; a ngu ganela PFHUMU Nungungulu.

Hambani, mu dzi agisa, ndreyisani mahoni gwangu sigiro sanu nya guvivbe, si yiseni hwindzo ni eni; digani gu gira mithumo nya guvivbe.

Avbo mu khusedzago mandza yanu mu lombelela, eni nya gu siha khovbe yangu; ambari mwa gu engedzela milombelo yanu, eni kha nyi na mi yingisa, kholu mandza yanu ma tade khu novba.

Mu nga simami gu nyi reselani gambe miningelo yanu nyamba phasa gilo; kholu libani lanu, li ngu nyi nyenyeza, ni Mibuzo nya Gumege Ngima gambe, ni dzisabhadho, ni mitshangano nya yikhongolo; nyi garade khu guvivba gwanu, ambari khu mimbe mitshangano mu girago.

Mombe yi ngu muti mune waye, buru niyo, yi ngu giti gighowolo gya mune waye; aholu Israyeli, kha nyiti, vathu vangu kha va pimi gilo.”

Mibuzo yanu Gumege nya Ngima ni mimbe mibuzo nya miphaso, yi ngu swihadza hefemulo wangu, yi ngu nyi lemela; nyi garade khu gusaniseka.