IBRANI 1
1
Allah berfirman liwet Anok-Ne
1Pado jaman bel'o dau nien Allah miling ngen ninik puyang te liwet nebai-nebai ngen memecem ca'o. 2Tapi pado zaman akhir yo Si miling ngen ite liwet Anok-Ne. Liwet Anok-Ne dioba Allah jemijai alam semesta. Allah sudo temtau bahwo Anok-Ne ba kulo de berhok temuan kutene yo. 3Si adeba cahayo kemuliaan Allah, Siba wujud nyato kunei dirai Allah suang. Siba kulo de miaro keutuhan alam semesta yo ngen sabda-Ne de kembiak bekuaso. Sesudo Si temtau manusio utuk bebas kunei duso-duso tobo'o, Si mipin pemerintahan neak surgo besamo-samo Allah, Penguaso de paling lekat.
Keagungan Anok Allah
4Anok o dapet paket de uak lebiak lekat kunei malaikat, gen de nelei Allah ngen-Ne kulo uak lebiak terhormat kunei gen de nelei ngen malaikat. 5#2Sam. 7:14; 1Taw. 17:13; Mzm. 2:7 Coa perneak Allah madeak awei yo ngen suang malaikat.
“Koba Anok-Ku;
pado bilai yo Uku jijai Bapa-Nu.”
Coa perneak kulo Allah madeak awei yo tetang malaikat ipe bae,
“Uku bakea jijai Bapa-Ne,
Si bakea jijai Anok-Ku.”
6 #
Ul. 32:43
Tapi pado waktau Allah mutus Anok tuai-Ne moi dunio yo, Allah madeak awei yo,
“Kute malaikat Allah wajib nyembeak Anok o.”
7 #
Mzm. 104:4
Tetang malaikat-malaikat, Allah madeak awei yo,
“Allah menea malaikat-malaikat-Ne jijai angin,
ngen pelayan-pelayan-Ne jijai opoi.”
8 #
Mzm. 45:7-8
Tapi ngen Anok o, Allah madeak,
“Takhta-Nu, ya Allah, bakea kekal selamo-lamone!
Pemerintahan-Nu adeba pemerintahan de adea.
9Ko tujau ngen keadilan, jengik ngen de coa benea;
do'oba sebabne Allah, Allah-Nu, miliak Ko
ngen melei ngen-Ko kehormatan de menea sukacita,
lebiak kunei kekuat-Nu.”
10 #
Mzm. 102:26-28
Allah madeak kulo,
“Ko, Tuhan, pado mulone jemijai bumai,
ngen Ko suang menea lenget.
11Kutene o bakea nyep,
ngen jijai tuai awei keracok;
tapi Ko coa bakea bubeak.
12Alam semesta yo bakea Ko melipet awei bajau,
ngen bakea Ko gitei ngen de luyen.
Tapi Ko coa perneak bubeak,
ngen idup-Nu coa bakea berakhir.”
13 #
Mzm. 110:1
Allah coa perneak madeak awei yo ngen suang malaikat kulo,
“Temotba neak peak kanen-Ku,
sapei musuak-musuak-Nu tunduk ngen-Ko.”
14Amen awei o, malaikat-malaikat o jano sebeneane? Tobo'o adeba roh-roh de melayan Allah, de neluak Allah utuk temulung tun-tun de bakea tenimo keselamatan.
Currently Selected:
IBRANI 1: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
