Popular Bible Verses from IBRANI 1

Share

Si adeba cahayo kemuliaan Allah, Siba wujud nyato kunei dirai Allah suang. Siba kulo de miaro keutuhan alam semesta yo ngen sabda-Ne de kembiak bekuaso. Sesudo Si temtau manusio utuk bebas kunei duso-duso tobo'o, Si mipin pemerintahan neak surgo besamo-samo Allah, Penguaso de paling lekat.

Pado jaman bel'o dau nien Allah miling ngen ninik puyang te liwet nebai-nebai ngen memecem ca'o. Tapi pado zaman akhir yo Si miling ngen ite liwet Anok-Ne. Liwet Anok-Ne dioba Allah jemijai alam semesta. Allah sudo temtau bahwo Anok-Ne ba kulo de berhok temuan kutene yo.

Amen awei o, malaikat-malaikat o jano sebeneane? Tobo'o adeba roh-roh de melayan Allah, de neluak Allah utuk temulung tun-tun de bakea tenimo keselamatan.

Allah madeak kulo, “Ko, Tuhan, pado mulone jemijai bumai, ngen Ko suang menea lenget. Kutene o bakea nyep, ngen jijai tuai awei keracok; tapi Ko coa bakea bubeak.