1 KORINTUS 2
2
Bito tetang mateine Yesus Kristus neak salib
1Saudaro-saudaro! Pado waktau uku teko ngen ko, melei namen ngen ko tetang rencano Allah de ati dunio namen. Uku coa makei kebijaksanaan dunio yo atau miling ngen kecek de kembiak baik. 2Sebab uku bi menea keputusan utuk coa lok namen jejano neak antaro udi seluyen Yesus Kristus, adeba Si de senalib. 3#Kis. 18:9 Uku kulo bi teko ngen ko lem kelemahan, ngen kembiak saben ngen gemtea. 4Bito de uku semapei ngen ko coa uku semapei ngen kecek-kecek de memikat temurut kebijaksanan manusio. Uku semapei o ngen ca'o de melei bukti bahwo Roh Allah bekuaso. 5Uku menea awei o, supayo kepercayoannu ngen Kristus coa das dasar kebijaksanaan manusio, meluyen das dasar kuaso Allah.
Kebijaksanaan Allah
6Kunyau awei o, neak antaro tun-tun de imenne bi kuet, uku memang miling tetang kebijaksanaan. Tapi kebijaksanaan yo iso kebijaksanaan dunio, atau kebijaksanaan penguaso-penguaso zaman yo, de kuasone bakea nyep. 7Tapi de keme melei namen adeba kebijaksanaan kunei Allah. Kebijaksanaan o coa namen ngen dunio, tapi Allah bi semiapne utuk kebahagiaan ite ayok dunio yo jenijai. 8Coa suang kulo kunei penguaso-penguaso zaman yo de namen tetang kebijaksanaan o. Sebab, seandaine tobo'o bi namenne, paset bae tobo'o coa bakea semalib Tuhan de mulio o. 9#Yes. 64:4 Sebelekne hal o adeba awei de tetulis lem Kiteb Sucai,
“Jano de coa perneak kenliak atau teni'uk manusio,
ngen coa perneak kulo timboa lem pekeran manusio,
do'oba de seniap Allah
utuk tun-tun de sayang ngen-Si.”
10Kerno ngen ite Allah bi kemtenne ngen Roh, sebab Roh semlidik kute sesuaktau, bahkan hal-hal de coa keten lem dirai Allah. 11Sebab de namen atei tun adeba Roh tun o suang. Awei o kulo tetang Allah. De namen atei Allah cuma Roh Allah o suang! 12Ite coa temimo roh dunio, tapi roh de asalne kunei Allah, supayo ite namen, jano de nelei Allah ngen ite.
13Kerno o, amen keme jemlas hal-hal tetang Allah ngen tun-tun de temuan Roh Allah. Keme coa madeakne ngen temurut kebijaksanaan manusio, meluyen temurut ajaran Roh Allah. 14Tun de coa temuan Roh Allah, coa dapet temimo jano de nadeak Roh o. Sebab bagiak tun-tun o hal-hal o adeba awei kebodohan bae. Tun o coa dapet ngertai, sebab hal-hal o cuma dapet kenliak seca'o rohani. 15Tun de temuan Roh Allah dapet kenliak kute sesuaktau, tapi coa suang tun kulo berhok menilai si. 16#Yes. 40:13 Lem Kiteb Sucai ade tetulis,
“Api de namen pekeran Tuhan?
Api de dapet melei nasihat ngen-Si?”
Iteba de temuan pekeran de serai ngen Kristus!
Currently Selected:
1 KORINTUS 2: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
