Popular Bible Verses from 1 KORINTUS 2

Share

Sebelekne hal o adeba awei de tetulis lem Kiteb Sucai, “Jano de coa perneak kenliak atau teni'uk manusio, ngen coa perneak kulo timboa lem pekeran manusio, do'oba de seniap Allah utuk tun-tun de sayang ngen-Si.”

Tun de coa temuan Roh Allah, coa dapet temimo jano de nadeak Roh o. Sebab bagiak tun-tun o hal-hal o adeba awei kebodohan bae. Tun o coa dapet ngertai, sebab hal-hal o cuma dapet kenliak seca'o rohani.

Kerno ngen ite Allah bi kemtenne ngen Roh, sebab Roh semlidik kute sesuaktau, bahkan hal-hal de coa keten lem dirai Allah.

Ite coa temimo roh dunio, tapi roh de asalne kunei Allah, supayo ite namen, jano de nelei Allah ngen ite.

Bito de uku semapei ngen ko coa uku semapei ngen kecek-kecek de memikat temurut kebijaksanan manusio. Uku semapei o ngen ca'o de melei bukti bahwo Roh Allah bekuaso. Uku menea awei o, supayo kepercayoannu ngen Kristus coa das dasar kebijaksanaan manusio, meluyen das dasar kuaso Allah.