1 KORINTUS 1
1
1-3 #
Kis. 18:1
Saudaro-saudaro jemaat Allah neak Korintus! Udi sudo nok Allah utuk jijai umat-Ne kerno Saudaro de Yesus Kristus temuan, besamo-samo kute tun neak ipe bae de sembeak Tuhan ite Yesus Kristus, adeba Tuhan tobo'o ngen Tuhan ite kulo. Uku, Paulus, ngen Saudaro ite Sostenes, ma'ep semoga Allah Bapa ite ngen Tuhan Yesus Kristus melei berkat ngen sejahtera ngen ko. Uku temulis su'et yo sebagai rasul Kristus Yesus, de naket Allah suang ngen das kelok-Ne kulo. Anugerah ngen damoi sejahtera kunei Allah, Bapate, ngen kunei Tuhan Yesus Kristus semerto udi.
Berkat-berkat kunei Allah liwet Yesus Kristus
4Uku bogoa mucep syukur ngen Allahku kerno udi das anugerah Allah de nelei-Ne ngen udi lem Kristus Yesus. 5Kerno udi bi sudo jijai de Kristus temuan, mako idup nu kayo lem kute hal. Pengetahuannu tetang kute hal kembiak lem, ngen udi pacok majea pengetahuan o. 6Do'o kemten bahwo bito tetang Kristus de bi ade neak antaro udi, 7sehinggo udi coa ku'ang jejano lem karunio jano bae sementaro udi mbot Tuhante Yesus Kristus teko ngen kenliak kute tun. 8Kristus suang bakea njamin udi sapei pado akhirne; supayo pado waktau Si teko igai, udi coa ade cacetne. 9Udi dapet pecayo ngen Allah sepenuakne. Siba Allah de sudo menok udi utuk jijai do ngen Anok-Ne, adeba Yesus Kristus, Tuhante.
Selisiak neak lem jemaat
10Saudaro-saudaro! Das gen Tuhante Yesus Kristus, uku minoi supayo udi kutene do atei; supayo jibeak ade selisiak neak antaro udi. Lokba udi jijai do, do atei ngen do pekeran. 11Sebab, tun-tun kunei keluargo Klöe melei namen ngen uku bahwo ade tekea neak antaro udi. 12#Kis. 18:24 De uku maksud adeba bahwo neak antaro udi ade de madeak, “Uku motoa Paulus,” ade kulo de madeak, “Uku motoa Apolos,” de luyen madeak, “Uku motoa Petrus,” dong de luyen igai madeak, “Uku motoa Kristus.” 13Jano Yesus tebagiak-bagiak? Jano Paulus senalib kerno udi? Atau jano udi dibaptis lem gen Paulus?
14 #
Kis. 18:8, 19:29; Rm. 16:23 Uku mucep syukur bahwo coa ade suang tun kulo de uku baptis seluyen Krispus ngen Gayus. 15Jibeak sapei suang tun kulo madeak bahwo uku bi mbaptis si utuk jijai penotoaku. ( 16#1Kor. 16:15 Uku kulo de mbaptis keluargo Stefanas. Seluyen tobo'o uku coa namen jano ade igai tun de uku baptis). 17Kristus mutus uku iso utuk mbaptis tun, meluyen utuk melei namen Bito Baik kunei Allah; ngen do'o kulo harus uku nea ngen coa makei kepacok miling seca'o manusio, kunyau kunei mateine Kristus pado salib coa jijai sesio.
Kuaso ngen kebijaksanaan Allah teletok pado Kristus
18Sebab bagiak tun-tun de bakea benaso, bito tetang mateine Kristus pado salib adeba coa benea. Tapi, bagiak ite de senlamat Allah, bito o adeba ca'one Allah kemten kuaso-Ne. 19#Yes. 29:14 Kerno ade tetulis:
“Kebijaksanaan tun-tun arif bakea Uku kemacau,
ngen tai tun-tun de temuan lemau bakea Uku menyep.”
20 #
Ayb. 12:17; Yes. 19:12, 33:18, 44:25 Kerno'o, jano gunone tun-tun arif'o? Jano gunone tobo'o de temuan lemau? Jano gunone ahli-ahli peker dunio yo? Allah bi menea hikmat dunio yo jijai kebodohan?
21Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio. 22Tun Yahudi lok tando ngen tun-tun Yunani mesoa hikmat. 23Tapi ite yo cuma melei namen Kristus de matei senalib. Bito o seminggung atei tun Yahudi, naggep mike ngen tun-tun iso Yahudi. 24Tapi bagiak tun-tun de nok Allah, baik tun Yahudi atau iso Yahudi, bitoo adeba ca'one Allah kemten kuaso ngen kebijaksanaan-Ne. 25Sebab de ketenne bodong pado Allah, adeba lebiak bijaksana kunei pado kebijaksanaan manusio; ngen de ketenne lemah pado Allah, adeba lebiak kuet kunei pado kekuatan manusio.
Kuaso Allah ngen kelemahan manusio
26Saudaro-saudaro! Cubo inget awei ipe keadaannu waktau Allah menok udi. Cuma didik bae kunei antarone de bijaksana, atau de temuan kuaso, atau jabatan lekat temurut keliak manusio. 27Tapi jano de bodong bagiak dunio, niliak Allah utuk semelek tun-tun de temuan hikmat, jano de lemah bagiak dunio, niliak Allah utuk semelek jano de kuet. 28Allah miliak de nanggap-Ne rendeak, hino, malah de nanggap coa de taine ngen dunio yo, supayo Allah majua de nanggep penting ngen dunio. 29Ngen awei o coa suang tun dapet ombong neak adep Allah. 30Allah suangba de nea sehinggo udi jijai do ngen Kristus Yesus. Liwet Kristus, ite jenijai-Ne bijaksana. Liwet Si kulo Allah menea te baik igai ngen dirai-Ne, jemijai ite umat-Ne de khusus, ngen mbebas ite. 31#Yer. 9:24 Kerno o, awei ade tetulis lem Alkitab, “Tun de lok bangga, harus bangga kerno jano de nea Tuhan.”
Currently Selected:
1 KORINTUS 1: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
