Varumi 12
12
1Kunangwa mmu goonya ligali avamitu, kigira tsimbabasi tsya Nyasaye, mu haane mibiri gyenyt gyi ve isadaka i veye mwoyo, kand intakatifu, kandi i yanzidza Nyasaye yibu nibwo ubutumiki bwenyu bwo bugeeri. 2Mu ta fwananywa neliv; lyelirova yili: navutswa mu giru nkanywe ku likolwa ubugeeri bwenyu ubuhya, mu duke kumanyiridza ubu laliri bwa Nyasaye ubulahi, nobwoku yanzidza, nobudukiru.
3Kigira ku tsimbabasi tsya nda hebwa, mbola ku vosi ava veye mu mwinye, va teganagana kuvita yaga ga mu dukira a ganagane; navutswa yeganagane ha a duki vutswa, kuli Nyasaye a gavulira vosi kigero kyelisuuvira. 4Kigira ga veye kuli ku mubiri mulala ku veye ku nevivero vinyingi, kandi vivero vyosi si vi veye nelikola lilala: 5kandi ndiyo kwinye ku veye avanyingi, ku veye mubiri mulala mu Kristo, kandi ku veye vivero sa mulala sa mulala nowakye. 6Kandi ku veye nevihaanwa lugano lugano kuli tsimbabasi tsya kwa hebwa, kinga liprofeta ku profete kuli kigero kyelisuuvira lyetu; 7kinga ubutumiki, ku tumike mu butumiki bwetu; kinga uyu wegidza a tumike mu lyegidza lilye: 8kinga uyu weganehidza a tumike mu lyeganehidza lilye: u haananga, a haane nobuhaani: uyu wamehanga, a kole nobugulu; uyu u vererera, a mu vererere nobusangali.
9Ubuyanzi bu ta va nobugadi. Mu dunyire ubwoni; mu hambane nekyo bulahi. 10Mu buyanzani bwenyu mu yanzane bulahi avene navene; mwimiridzane mu bukumi ku vakye venyu; 11mu ta va nobugata mu bugulu bwenyu: mu ng'ering'ana mu mwoyo; mu ve avatugwa vo Mwami; 12mu ve avobuyanzi mu lisuuviridzwa; mu ve avikudziri mu lidambidzwa; mu hongere ligali mu lisaala; 13mu konye ivatakatifu mu budaka; mu ve avihula avageni. 14Mu gasidze ava mu kupidza kivi; mu gasidze, mu ta laama mba. 15Mu sangale halala navasangala; mu lire halala navaliranga. 16Mu ve nomwoyo mulala. Mu ta ganagana vindu vyoluyai, navutswa mu bugirire vyelyegehidza. Mu tenyolera ubugeeri mwinye avene. 17Mu ta tunga mundu kali mulala ku ubudamano bwibwe, ubudamano. Mu ganagane kulungikidza vindu vilahi imbiri wa vandu vosi. 18Ni ga nyalika, ku luvega lwenyu, mu ve nemirembe ku vandu vosi. 19Mu ta vanza kisalya mba, avayanze vange, navutswa mu lekere ubutima bwa Nyasaye bwiyangu: kigira ga ng'odwa, Kisalya ni kyange; inze mwene nda vanza, Mwami a vola. 20Navutswa musigu wowo na a va nenzala, u mu he vyokulia; na a ve nobuluhu u mu he kyokunwa: kigira ku likola yaga u la vungidza amanda ku mutwe gwigwe. 21Ubudamano bu ta mu guuta, navutswa ubudamano mu guutire ubulahi.
Currently Selected:
Varumi 12: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
