Varumi 13
13
1Avandu vosi ava veye mwoyo vegehidze ku yava ava veye netsingulu kuvo: kigira si ha veye nowameha u vula kutwula ku Nyasaye; kandi avameha ava veho, Nyasaye ya va vika. 2Kigira yaga, uyu u hing'ana ku avameha, a hing'ana namalago ga Nyasaye; kandi yava ava hing'ana va lenyolera likalagirwa avene. 3Kigira avameha si va veye litihidza ku miyinzi milahi, navutswa ku midamano. Na ive wenya u vule kutia tsingulu? U kole malahi na ive u la nyola lidzominywa kuye: 4kigira a veye mutumwa wa Nyasaye ku ive kigira ubulahi. Navutswa ive nu u kola ubudamano, u tie; kigira si a gendera vutswa kivavi: kigira a veye mutu mwa wa Nyasaye, uyu wa mala kisalya kyobutima ku uyu wa kola ubudamano. 5Kunangwa nu bu lahi mwegehidze ku tsingulu, si ga li ku butima bweng'ine, navutswa mu mwoyo kandi. 6Kandi yiki ni kigira mu tunganga ubushutu: kigira va veye avatumwa va Nyasaye, ava menya madiku gosi mu inkuva yene yiyi. 7Mu he vosi kya va dukana nakyo; kodi ku yava ava dukani nekodi; ubushutu ku yava ava dukani nobushutu; ubutii ku yava ava dukani nelitibwa; lidzominya ku yava ava dukani nelidzominywa.
8Mu ta va neligovi lyomundu kali mulala, navutswa lyokuyanzana avene navene mu veye nalyo: kigira uyu u yanza wundi u mali kwizulitsa lilaga. 9Kigira amalago yaga, U ta heya mba, U tiita mba, U tiba mba, U ta kayirwa mba kindu kyowundi, kandi ni ga veyeho lilaga lindi li tsukanyeywi mu likuva yili, nalyo ni yili, U yanze mutende wowo kuli weyanza. 10Ubuyanzi si bu kola ubudamano ku mutende: kunangwa ubuyanzi bu veye kyokwizulitsira lilaga.
11Kandi yaga, ku manya inyinga, kalunu ni inyinga yenyu yokuvuka mu tsindolo: kigira kalunu buhonnyi bwetu bu veye himbi ku kwinye kuvita lwa kwa tanga kusuuvira. 12Ubudiku bu vitanga ligali, kandi mbasu gu veye himbi: kunangwa ku twulidza miyinzi gyekisundi, na kwivike vyuma vyobulavu. 13Ku gende nobuhokya, kuli mbasu; si ga li mu bukinu nomu lihambika, kandi si ga li mu buheyi nomu livolidza, si ga li mu mahangali nembodoka. 14Nawtswa mwevike Mwami Yesu Kristo, kandi mu ta lombera liva lyomubiri lyokudukidza likayirwa lyalyo mba.
Currently Selected:
Varumi 13: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
