Popular Bible Verses from Varumi 12

Share

Mu ta fwananywa neliv; lyelirova yili: navutswa mu giru nkanywe ku likolwa ubugeeri bwenyu ubuhya, mu duke kumanyiridza ubu laliri bwa Nyasaye ubulahi, nobwoku yanzidza, nobudukiru.

Kunangwa mmu goonya ligali avamitu, kigira tsimbabasi tsya Nyasaye, mu haane mibiri gyenyt gyi ve isadaka i veye mwoyo, kand intakatifu, kandi i yanzidza Nyasaye yibu nibwo ubutumiki bwenyu bwo bugeeri.

mu ve avobuyanzi mu lisuuviridzwa; mu ve avikudziri mu lidambidzwa; mu hongere ligali mu lisaala

Ubudamano bu ta mu guuta, navutswa ubudamano mu guutire ubulahi.

Mu buyanzani bwenyu mu yanzane bulahi avene navene; mwimiridzane mu bukumi ku vakye venyu

Ubuyanzi bu ta va nobugadi. Mu dunyire ubwoni; mu hambane nekyo bulahi.

Ni ga nyalika, ku luvega lwenyu, mu ve nemirembe ku vandu vosi.

Mu ta vanza kisalya mba, avayanze vange, navutswa mu lekere ubutima bwa Nyasaye bwiyangu: kigira ga ng'odwa, Kisalya ni kyange; inze mwene nda vanza, Mwami a vola.

mu ta va nobugata mu bugulu bwenyu: mu ng'ering'ana mu mwoyo; mu ve avatugwa vo Mwami

Kigira ku tsimbabasi tsya nda hebwa, mbola ku vosi ava veye mu mwinye, va teganagana kuvita yaga ga mu dukira a ganagane; navutswa yeganagane ha a duki vutswa, kuli Nyasaye a gavulira vosi kigero kyelisuuvira.

Mu ta tunga mundu kali mulala ku ubudamano bwibwe, ubudamano. Mu ganagane kulungikidza vindu vilahi imbiri wa vandu vosi.

Mu ve nomwoyo mulala. Mu ta ganagana vindu vyoluyai, navutswa mu bugirire vyelyegehidza. Mu tenyolera ubugeeri mwinye avene.

Navutswa musigu wowo na a va nenzala, u mu he vyokulia; na a ve nobuluhu u mu he kyokunwa: kigira ku likola yaga u la vungidza amanda ku mutwe gwigwe.

Mu gasidze ava mu kupidza kivi; mu gasidze, mu ta laama mba. Mu sangale halala navasangala; mu lire halala navaliranga.

mu konye ivatakatifu mu budaka; mu ve avihula avageni.

Kigira ga veye kuli ku mubiri mulala ku veye ku nevivero vinyingi, kandi vivero vyosi si vi veye nelikola lilala: kandi ndiyo kwinye ku veye avanyingi, ku veye mubiri mulala mu Kristo, kandi ku veye vivero sa mulala sa mulala nowakye.