Varumi 11
11
1Kunangwa nteva, Nyasaye yesigana avandu veve? Ga ta va ndiyo ligali. Kigira inze mwene kandi mbeye Muisraeli, ku visukululwi vya Abrahamu, wehiri ya Benjamini. 2Nyasaye si yesigana avandu veve va ya tanga kumanya. Naho si mu manya aga mang'oda ga vola ku Elija? Kuli wa ya saala Nyasaye ku Vaisraeli: 3na a rola, Mwami, viita avaprofeti vovo, ni va tigula bwali bubwo; na inze ntigaye tsyeng'ine, kandi venya livamwoyo lyange. 4Navutswa litivula lya Nyasaye lya mbolera ki? Lya mu rolera, Ntigaye navandu tsieliu tsitano natsiviri ava vula kusigamira Baal. 5Kunangwa na ndiyo kandi inyinga ya kalunu va veho avatigaye mulitovola lyetsimbabasi. 6Navutswa ni li va ni li veye ku tsimbabasi, si li veye ku likola kandi: ni ga va ndiyo tsimbabasi si tsi veye tsimbabasi kandi. 7Kunangwa ni kindu ki? Ikya Israeli ya li ni yenya, yiki si ya ki nyola; navutswa avatovole va ki nyola, navandi va kolwa avadinyu: 8kuli wa ga ng'odwa, Nyasaye ya va ha mwoyo gwetsindolo tsinene, tsimoni tsi vula kulola, namatu ga vula kuhulira, kali kuduka lidiku lya lero. 9Kandi Daudi a vola,
Imeza yavo i gwe ubuliva, kandi mutego,
Kandi i gwe kyokwikigitalidza, kandi amadanyi gavo:
10Tsimoni tsyavo tsi vakulidzwe, va vule kulola,
Winaminnye imigongo gyavo madiku gosi.
11Kunangwa nteva, Vikigitala va duke kugwa ligali? Ga ta va ndiyo ligali: navutswa ku lihyola lyavo ubuhonnyi bu duki ku Tsihiri kukendekidza Vaisraeli. 12Kunangwa, ligwa lyavo ni li va ni li veye ubutugi bwelirova, kandi ubugeheru bwavo ni bu va ni bu veye ubutugi bwe Tsihiri nasindi ubuhinda bwavo bu la va ndi? 13Navutswa mbolera mwinye ave Tsihiri. Kunangwa kigira mbeye mutumwa we Tsihiri, nzidzominya ubutumwa bwange; 14mbula nduke ku vyosi kukendekidza avolulera lulala ninze, nokuhonnya avalala kuvo. 15Kigira lyeseganwa lyavo ni li va ni li veye kyokuhambanya lirova, libugirirwa lyavo li la va ki? Li la ra livamwoyo kutwula mu vakudzu. 16Kandi ubuhya ni bu va ni bu veye butakatifu, lihumbi lyosi li veye ndiyo: kandi kitinya ni ki va ni ki veye kitakatifu, kandi tsisya tsi veye ndiyo. 17Navutswa tsisya tsindi ni tsi vunanywa, nive u veye mzeituni gwomulitu wa hambanywa hagati havo, kandi wa sanga halala navo kitinya kyobunetu bwomzeituni; 18u tiidzominya ku tsisya: navutswa nu u va nu wiidzominya, si a li ive u ginga kitinya, navutswa kitinya ki ginga ive. 19Kunangwa u la vola, Tsisya tsya vunanywa, inze nduke kuhambanywa. 20Bulahi; tsyavu nanywa kigira livula kusuuvira lyavo nive u singira kigira lisuuvira lilyo. U tigingira, navutswa u tie: 21kigira Nyasaye na a va na a ta vererera tsisya tsya kale, kandi si a li vererera ive. 22U henze ubulahi nobululu bwa Nyasaye: ku yavo ava gwa ubululu; navutswa ku ive ubulahi bwa Nyasaye, nu u va nu u menya mu bulahi bwibwe: navutswa ni ga ta veye ndiyo ive kandi u leseganwa. 23Navo kandi ni va ta menya mu livula kusuuvira lyavo, va la hambanywa: kigira Nyasaye a nyala kuvahambannya kandi. 24Kigira ive nu u va nu u temagwa kutwulidzwa ku mzeituni gwomulitu gwa kale, nokuhambannywa ku mzeituni mu lahi ku miima gu ta li gwa kale; nasindi yitsi tsya kale tsyene tsi la vula ndi kuhambannywa? 25Kigira si nyenyi, mwinye avamitu, mu vule kumanya kya viswa yiki, gase mu la va nobugeeri bwenyu avene; ubudinyu bulala bu gwiriye Israeli, kuduka inyinga yobudukidza bwe Tsihiri bu duka kwingira; 26ndiyo Israeli yosi i la honnywa: kuli wa ga ng'odwa,
Muhonnyi a la twula Zioni
A la twulidza ku Yakobo livula kutia Nyasaye:
27Yili ni lilagana lyange kuvo
Lwa ndi twulidza bwoni bwavo.
28Ku ivangeli va veye avasigu kigira mwinye: navutswa ku litovola va veye avayanze kigira vaguga. 29Kigira vihaanwa nelilanga lya Nyasaye si li veye neligirunkana. 30Kigira kuli mwinye kale mwa vula kutia Nyasaye, navutswa kalunu mu verereywi ku livula kutia lyavo, 31na ndiya kandi kalunu yava va vula kutia, ku liverererwa lyenyu navo va duke kuverererwa. 32Kigira Nyasaye u bohi vosi halala mu livula kutia, a duke kuvererera vosi.
33O ubunyingi bwobutugi bwobugeeri no bwelimanya bwa Nyasaye likalaga lilye li vula kumanyekana ndi, kandi tsinzira tsitsye tsi vula kunyoleka ndi 34Kigira ibwaha u manya tsiganagani tsya Nyasaye? Kandi ibwaha wa li mulungikidzi wewe? 35Kandi ibwaha wa tanga kumuha kindu, naye a liranyirwa? 36Kigira vindu vyosi vya twula muye, ni vidzira kuye; kandi virana kuye. A ve nobukum; mihiga nemi higa. Amini.
Currently Selected:
Varumi 11: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
