AMOS 1

1 # 2 Ra. 14:23-29, 15:1-7; 2 Kro. 26:1-23 Amos te ije biti sakatik tabiri bara lewu Tekoa. Ie manjadi nabi katika lewu Yuda irentah awi raja Usia, tuntang Israel irentah awi Raja Yerobeam, anak hatue ain Yoahas. Due nyelo helo bara gerek petak manjadi, Hatalla mamparahan akan Amos kare taloh tahiu Israel.

2 # Yl. 3:16 Jetoh ie taloh je insanan Amos,

“Tuhan manyakungkong sama kilau auh singa bara bukit Sion,

auh Ayue mangguroh bara Yerusalem.

Kare padang oru keang,

oru hong Bukit Karmel keang karitip.”

Hukuman Hatalla akan kare bangsa kaliling Israel

Siria

3 # Yes. 17:1-3; Yer. 49:23-27; Sak. 9:1 Tuhan hamauh, “Oloh lewu Damaskus jari kinjap mawi dosa, awi te batantu Aku akan mahukum ewen. Ewen paham mawi oloh Gilead hapan kakaras. 4Awi te Aku akan manyoho apui akan istana ain Raja Hasael, tuntang manusul lepah lingis kare kota ain Raja Benhadad. 5Kare lawang lewu Damaskus akan imparusak-Ku, tuntang oloh lewu Janah Awen akan impalomos-Ku bara eka ewen melai. Oloh ije marentah Bet-Eden akan inipas-Ku bara padadusae, tuntang oloh lewu Siria akan inawan hayak iunda akan tanah Kir.”

Pilistin

6 # Yes. 14:29-31; Yer. 47:1-7; Es. 25:15-17; Yl. 3:4-8; Sep. 2:4-7; Sak. 9:5-7 Tuhan hamauh, “Oloh lewu Gasa jari kinjap mawi dosa awi te batantu Aku akan mahukum ewen. Ewen jari munda lepah ije bangsa, tuntang manjuale kilau jipen akan oloh Edom. 7Awi te Aku akan manyoho apui akan kare dinding lewu Gasa, tuntang manusul lepah lingis kare kotae. 8Oloh lewu tuntang oloh je marentah lewu Asdod tuntang Askelon akan inyare-Ku. Lewu Ekron akan ihukum-Ku, tuntang uras tisan oloh Pilistin akan imbinasa-Ku.”

Tirus

9 # Yes. 23:1-18; Es. 26:1–28:19; Yl. 3:4-8; Sak. 9:1-4; Mat. 11:21-22; Luk. 10:13-14 Tuhan hamauh, “Oloh lewu Tirus jari kinjap mawi dosa, awi te batantu Aku akan mahukum ewen. Ewen jari munda ije bangsa lepa-lepah akan eka tawanan, tuntang manyarahe akan Edom; ewen jari malanggar auh janji mangat hasobat. 10Awi te Aku kareh manyoho apui akan kare dinding lewu Tirus tuntang mangehu lepah kare kota hete.”

Edom

11 # Yes. 34:5-17, 63:1-6; Yer. 49:7-22; Es. 25:12-14, 35:1-15; Ob. 1-14; Mal. 1:2-5 Tuhan hamauh, “Oloh lewu Edom jari kinjap mawi dosa, awi te batantu Aku akan mahukum ewen. Ewen jaton kamasie, sampai jari manyarang oloh Israel, paharin ewen.#1:11 paharin ewen: Oloh Israel te oloh turonan Yakob, paharin Esau ije kalambutan, tato hiang oloh Edom. Ewen harajur sangit, tuntang tetep basingi. 12Awi te Aku akan manyoho apui akan lewu Téman, tuntang manusul lepah lingis kare kota Bosra.”

Amon

13 # Yer. 49:1-6; Es. 21:28-32, 25:1-7; Sep. 2:8-11 Tuhan hamauh, “Bangsa Amon jari kinjap mawi dosa, awi te batantu Aku akan mahukum ewen. Katika ewen parang mangat mampalombah tanahe, ewen manyila kanain kare oloh bawi batihi intu Gilead. 14Awi te, Aku akan manyoho apui akan kare dinding lewu Raba, tuntang manusul lingis kare kotae. Katika te akan tarahining auh karidu kalahi, tuntang parang sabak kilau riwut barat. 15Rajan ewen tuntang kare oloh je marentah akan iunda akan eka tawanan. Aku, Tuhan, jari hakotak.”

Currently Selected:

AMOS 1: NIJ

Highlight

Copy

Compare