YO"EL 3
3
Hatalla kareh mamutus pakaran kare bangsa
1 Tuhan hamauh, “Hong katika te Aku kareh mahalalian katatau-kasanang akan Yerusalem tuntang Yuda. 2Kakare bangsa kareh imumpong-Ku tuntang iimbit-Ku akan Janah Basara. Palus intu hete aku mamutus taloh ije patut akan ewen tagal kapapae dengan ungkup-Ku. Basa ewen jari mambagi-bilah tanah Israel tuntang ewen manganan ungkup-Ku akan kakare lewu beken. 3Ewen manenong eweh kareh je tau mandino kare oloh tawanan. Ewen manjual oloh tabela bawi-hatue uka manjadi jipen. Tuntang duite ihapan ewen habandong tuntang mihop danum anggor. 4#Yes. 14:29-31, 23:1-18; Yer. 47:1-7; Es. 25:15–28:26; Am. 1:6-10; Sep. 2:4-7; Sak. 9:1-7; Mat. 11:21-22; Luk. 10:13-14 Handak iawim akan en Aku toh, o Tirus, Sidon tuntang hapus tanah Pilistin? En ikau nahuang mambaleh bunom dengang-Ku? Toh keleh tarima baleh bara Aku je dumah manantekas. 5Amas tuntang perak aing-Ku jari irampokm, tuntang ramong-Ku je barega jari iimbitm akan pasah dewam. 6Oloh lewu Yuda tuntang Yerusalem jari iimbitm kejau bara lewue; limbah te keton manjual ewen akan bangsa Yunani. 7Toh Aku mimbit ewen balua bara kare eka keton manjuale, tuntang Aku kareh mambaleh kapapan keton mawi ewen. 8Kare anak keton bawi hatue kareh injual-Ku akan oloh lewu Yuda, je kareh manjual tinai akan Seba, lewu je kejau toto. Aku, Tuhan jari hakotak. 9Sanan auh toh akan kare bangsa: Keleh batatap akan baparang tuntang bahado kagancang! Keleh mirak kare pangkalima tuntang kare pahlawan; keleh mamumpong kare saradadu tuntang miar! 10#Yes. 2:4; Mik. 4:3 Tasal kare isin luku ain keton manjadi padang, tuntang taja ain keton manjadi lunjo. Tuntang oloh balemo keleh hamauh, ‘Aku olih hakalahi sama kilau tantara!’ 11Has, dumah bajeleng,#3:11 Hai kemungkinan riman auh te: dumah bajeleng. Ibrani: Keleh dohop. o kare bangsa bara hete-hete! Keleh mamumpong arep keton intu janah kanih.”
O Tuhan, soho kare pangkalima Ayum manyarang ewen. 12Tuhan hamauh tinai, “Keleh kare bangsa tata-tatap tuntang haguet akan Janah Basara. Intu hete aku Tuhan kareh mamutus pakaran kare bangsa hakaliling ungkup-Ku. 13#Pang. 14:14-16, 19-20, 19:15 Ewen paham papa; keleh mambiwis ewen sama kilau gandom masak intu tana. Keleh mangkijak-manandik ewen sama kilau anggor intu eka mahamis je kontep sampai batusoh. 14Bakoya-koyan oloh aton intu Janah Basara. Basa intu hete Andau ain Tuhan kareh bajeleng sampai. 15Matanandau tuntang bulan manjadi kaput, tuntang kare bintang dia tinai balawa.”
Hatalla kareh mamberkat ungkup Ayue
16 #
Am. 1:2
Tuhan nyakungkong bara Sion bukit Ayue;
auh Ayue mangaruntong bara Yerusalem.
Langit tuntang petak hungge Awie.
Tapi Tuhan kareh tetep mambela
tuntang mangalindong Israel, ungkup Ayue.
17“O Israel, toh ikau kareh akan katawan,
je aku toh Tuhan, Hatallam.
Aku melai intu Sion, bukit aing-Ku ije barasih.
Maka Yerusalem kea manjadi lewu ije barasih,
oloh luar dia kareh tame hete tinai.
18Hong wayah te kare bukit erep awi kabon anggor.
Meto kareh kuman oru intu kare bukit je basiwoh.
Danum kare sungei hong Yuda
kareh dia puji lepah.
Ije sungei kareh manahasak bara Human Tuhan,
tuntang mambisa Janah Akasia hapan danum sadingen.
19Misir kareh manjadi padang benyem je keang.
Tuntang Edom manjadi languen jaton oloe.
Awi ewen jari manyarang oloh Yuda,
tuntang mampatei oloh lewu je jaton kasalae.
20-21Akan dahan ewen aku kareh mambaleh#3:20-21 Pire-pire salinan je bara jaman horan: Aku kareh mambaleh. Ibrani: Aku mansanan dia basala. buno
oloh je mamuno ie kareh matei imbawas-Ku.
Tapi Yuda tuntang Yerusalem kareh harajur aton oloe
tuntang bukit Sion kareh tetep eka-Ku melai.”
Currently Selected:
YO"EL 3: NIJ
Highlight
Copy
Compare
Share
Want to have your highlights saved across all your devices? Sign up or sign in
