MAZMUR 95
95
Nyanyian bau pompuji' Tumpu
1Imbo' da kita manyanyi bau pompuji' Tumpu,
montaligalai anu momposalamat kita!
2Imbo' da kita mangadap hi Ia ka' manyanyi nyanyian bau pontalima kaseh,
montaligalai Ia ka' manyanyi, nyanyian anu bau pompuji'.
3Kalana Tumpu aijo'mo na Tumpu anu talasanggo hondo,
Tomundo' anu baani, anu molingkudui iwi-iwi' na pilogot.
4Ia mongkuasai bahagian anu toto leleeng aiya i dunia,
bawonyo nu bungkutnyo iwi-iwi' suele Ia na tumpu-Nyo.
5Ia mongkuasai ambai, kalana Ia na nompotimbali,
katano'an suele limanyo na nombau.
6Imbo' da kita tolodadupu monsombah Ia,
tolodadupu i ahop nu Tumpu, anu nompotimbali kita.
7 #
Ibr. 3:15, 4:7 #Ibr. 3:7-11 Kalana Iamo na Tumpunto,
kita mian anu, Nu potuu'
susumo domba anu lewa' Nu laya'.
Sinaa uuka aiya potombihing mae na potatae-Nyo:
8 #
Kel. 17:1-7, Bil. 20:2-13 “Boli panggaga na belemiu susumo mompolee' nu belemiu kiijo' mae i Meriba,
susumo tempo'nyo aha kiijo' mae i Masa, i tampat padang anu mateges.
9Kiijo' mae na aha nonsobaimo Aku,
maumo ahi' aha nontoamo palabuatan-Ku.
10Pinatompulu' na taun na kopinnyo na aku lewa' nonguahi nontoa aha;
Aha notataemo: Totu-totu'u, bansa aijo' madi' tulu-tulutan!
Aha madi' mompajuli iwi-iwi' na palentah-ngKu.
11 #
Bil. 14:20-23, Ul. 1:34-36, 12:9-10, Ibr. 4:3, 5 Sahingga kalana anu notambuha'mo, aku binasumpa'mo,
aha madi'mo timbali minsoop i lipu' aijo'
da milawe hingga-hinggat tiba aku.”
Currently Selected:
MAZMUR 95: LAILOE
Highlight
Copy
Compare
Share
Want to have your highlights saved across all your devices? Sign up or sign in
