MAZMUR 94
94
Tumpu na momputusi iwi-iwi' mian
1O Tumpu, Belentomo na Tumpu anu mombalosi,
potoamo mae na pombalasi nu Belento o, Tumpu.
2Pobungkutmo, o mian kopian nu dunia songko-songko,
hukumo na mian anu takabun sitimbang tiba palabuatan nu aha.
3O, Tumpu sampe toka hipian na kopinnyo, na mian anu ma'idek na kinyonyoanyo mongoa'i lame'?
Sampe toka hipian na kopinnyo, O, Tumpu?
4Aha lewa' montaloakon potatae anu ma'idek,
ka' lewa' mongkabubulakon palabuatan ma'idek anu binaumo nu aha.
5Aha lewa'mo nonsakisa mian anu pinalesayamo hi belento, o, Tumpu,
ka' nompateimo to mia-mian anu pinile'anmo nu belento.
6Aha nompateimo anu binalumo ka' to ana-anak anu madi'mo ko tuumanyo ka' tinanyo
ka' mian anu i salipu'an anu jojoong i lipu' aiya.
7Aha notatae, “Tumpu madi' montoa,
Tumpu i Yakub madi' lewa' mompalahatikan mae.”
8O, bansangku, boli ponga' susumo aijo',
saba' ogunakon ahi' na pikilan nu beleyum!
9Tumpu Allah na mombau bihing,
iya mule' na ia madi' mohongo?
Ia na nombau mata,
iya mule' na Ia madi' montoa?
10Ia na nompogulu' to bansa-bansa,
iya mule' na Ia madi' mohukum?
Ia na binau gulu' nu mian iwi-iwi',
iya mule' na Ia madi' monsumbu' kapandean?
11 #
1Kor. 3:20
Tumpu monsumbu' hondo pikilan nu,
nusumbu' iwi-iwi' aijo' madi' ko kaliangannyo.
12Mohumpak kantumuu'an ma'ima' na mian anu lewa'mo pinokinde'an nu Belento, o, Tumpu,
mian anu lewa'mo pinogulu' atulan nu Belento iwi-iwi'.
13Pinosabanmo nu Belento na ia da madi' ko anu mompoposia i sinaa anu manjoo' hondo na balaa'nyo,
sahingga okekemo na bolo' bau pohakop mian anu ma'idek na kinyonyoanyo.
14Kalana Tumpu madi' hondo mompala'i mian anu palesayamo hi Ia;
ia madi' ola mompojohok anu tinimbalimo pusaka'Nyo.
15Sahingga atulan po'ule'mo ahi' otoongi totu-totu'u de momputusimo,
iwi-iwi' na mian anu hodi' na kinyonyoanyo monsangaja'imo.
16Ihe na montinjohi aku mohukum mian anu singkap palaganta?
Ihe na monsangaja'i aku mongewa mian anu mombau anu ma'idek?
17De bisuannyo Tumpu madi'mo montulungi mae aku,
aku memang me ise-ise' nolalinmo i dunia nu mian anu sinilakamo.
18Salatan tinutuganku tukoongku taalu' aku tohumpukmo,
kalibosan nu Belento, Tumpu, po'ule'mo nompohoson mae aku tinuminjo.
19De kinyonyoangku bata-batamo ka' mangada'mo
Belentomo na mohase' mae ka' mompolame' aku.
20Belento madi' mosangaja' tiba to mia-mian kopian anu ma'idek na kinyonyoanyo,
anu montanga'imo mombau anu ma'idek panyo monggunakon atulan.
21Aha mombaumo kasangaja'an, mongewa mian anu hodi' na kinyonyoanyo,
ka' mombee'imo hukuman silaka, mian anu madi' ko sala'nyo.
22Panyo Tumpu na motinjohi mae aku,
Tumpungku na monjagai mae aku.
23Ia mohukumo mian anu ma'idek na kinyonyoanyo sitimbang tiba palabuatan ma'idek anu binaunyomo,
ka' mompomomo'mo nganga' nu aha kalana dosa' nu aha.
Tumpunto mompomomo'mo nganga' nu aha.
Currently Selected:
MAZMUR 94: LAILOE
Highlight
Copy
Compare
Share
Want to have your highlights saved across all your devices? Sign up or sign in
