MAZMUR 96
96
Tumpu, Tomundo' anu talasanggo
(1Taw. 16:23-33)
1Nyanyiakonmo na nyanyian anu sala'je ingajan bau pompuji' Tumpu!
Panyanyimo puji' na Tumpu, o, belemiu songko-songko na dunia!
2Panyanyimo puji na Tumpu, ka' puji' na Ia;
sansina-sinaa bebakon na lele anu moko lame'
saba' Ia nomposalamatmo kita.
3Sisikakon na Ia aijo' talasanggo hondo hi to bansa-bansa,
ka' apa-apaa na palabuatan-Nyo anu talalo hondo daka'.
4Kalana talasanggo hondo na Tumpu, ka' talalo hondo o puji',
tionyo ahi' talalo okabuhuk molingkudui iwi-iwi' na pilogot.
5To pilo-pilogot nu bansa sangga'at ola samata-mata patong bapilogotan,
panyo Tumpu aijo'mo na anu nompotimbali aita' langa.
6Ia talasanggo hondo ka' oholomati.
Laigan-Nyo kahokuasa ka' ma'ima'an.
7 #
Mzm. 29:1-2
O puji' na Tumpu, o belemiu manusia,
o puji' na Ia anu talasanggo ka' anu mahoson!
8O puji' na sanggo-Nyo anu oholomati
ka'b oa na koloban i uno nu Laigan-Nyo.
9Osombah na Tumpu, mompusok baju' anu opake de monsombah mo Ia!
Langkakatanmo i ahop-Nyo, o dunia songko-songko!
10Polelemo hi to bansa-bansa,
“Tumpu aijo' Tomundo! Dunia mahoson madi' opoko ala ogayu';
Ia momputusi hukuman nu to bansa-bansa adin hondo.”
11Balame-lame'mo o langit tiba tano'!
Pombuhokmo o ambai ka' isinyo iwi-iwi'!
12Balame-lame'mo, o tampat padang tiba iwi-iwi' na anu tutuu' kiijo'.
Iwi-iwi' na kau' i uno nu alas montaligalaimo.
13Kalana Tumpu tokamo mae mompalentah i dunia,
Ia momputusimo hukuman nu to bansa-bansa, adin ka' madi' tageo'.
Currently Selected:
MAZMUR 96: LAILOE
Highlight
Copy
Compare
Share
Want to have your highlights saved across all your devices? Sign up or sign in
