Popular Bible Verses from MAZMUR 95

Share

Imbo' da kita tolodadupu monsombah Ia, tolodadupu i ahop nu Tumpu, anu nompotimbali kita. Kalana Iamo na Tumpunto, kita mian anu, Nu potuu' susumo domba anu lewa' Nu laya'. Sinaa uuka aiya potombihing mae na potatae-Nyo

Imbo' da kita manyanyi bau pompuji' Tumpu, montaligalai anu momposalamat kita! Imbo' da kita mangadap hi Ia ka' manyanyi nyanyian bau pontalima kaseh, montaligalai Ia ka' manyanyi, nyanyian anu bau pompuji'.

Kalana Tumpu aijo'mo na Tumpu anu talasanggo hondo, Tomundo' anu baani, anu molingkudui iwi-iwi' na pilogot.

Ia mongkuasai bahagian anu toto leleeng aiya i dunia, bawonyo nu bungkutnyo iwi-iwi' suele Ia na tumpu-Nyo.