MAZMUR 91
91
Mihohung' hi Tumpu
1Mian anu mihohung' hi Anu Matangkas na Kuasanyo,
ka' jojoong mingkong hi Anu Daka' na Kuasanyo,
2timbali motatae hi Tumpu,
“Belentomo na anu montinjohi ka' monjagai mae aku,
Tumpu-ngku, Belentomo na ku palesaya.”
3Ia na molapasakon beleyum da madi' nukona nu kasilakan anu opohowini,
ka' panyakit anu momboa kasilakan.
4Ia na nongkukubi beleyum nu polipiknyo
sahingga beleyum madi' ko anu mompoposia kiijo' i uno nyo;
kanonongan-Nyo sumomo kanta monjagai beleyum.
5Beleyum bolimo mabuhuk i balaa' anu toka mae pihi,
kabai anu saintolo-tolo montumbuhimo mae sinaa;
6kabai balaa' anu toka mae salatan pintungmo,
kabai kasilakan anu montokai mae sonsu'un sinaa.
7Maumo 1.000 na mian silaka i sohipi' nu beleyum,
ka' 10.000 i sasu koanan nu beleyum, panyo beleyum madi' kinona nu apa-apaa.
8De beleyum montoa atina' titikub hi beleyum
beleyum montoamo mian anu ma'idek na kinyonyoanyo,
kinonamo nu pombalosakon.
9Kalana beleyum nongalamo Tumpu da tinimbali anu nonsangaja'i beleyum.
Anu Matangkas na Kuasanyo ingalamo nu beleyum salaku anu monjagaimo beleyum.
10Sahingga beleyum madi'mo nutokai mae nu balaa',
laigan nu beleyum madi'mo nutokai mae nu balaa'.
11 #
Mat. 4:6, Luk. 4:10 Tumpu Allah nonsaimo mae malaekatnyo monjagai beleyum,
da monjagai beleyum maumo pa' moya na beleyum mamba.
12 #
Mat. 4:6, Luk. 4:11 Aha mohangkatmo beleyum i pala nu lima nu aha,
da tengke nu beleyum boli tosumpun i batu.
13 #
Luk. 10:19
Beleyum so' moliu-liu ulo ka' singa,
mompeja'mo anak nu singa ka' ulo anu ko bisa'nyo.
14Tumpu notatae, “Mian anu mongka'ima'i Aku tionyo ahi'. Ku posalamat,
anu mongakui aku tionyo ahi' ku jagai.
15De ia mongkakase mae hi belengku,
tionyo Ku taami.
De nutokaimo nu kasusa'an tionyo ahi' Ku tulungi na ia;
ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.
16Ia tionyo ahi' Ku po'osa nu umun panjang
ka' Ku posalamatmo.”
Currently Selected:
MAZMUR 91: LAILOE
Highlight
Copy
Compare
Share
Want to have your highlights saved across all your devices? Sign up or sign in
