Popular Bible Verses from MAZMUR 91

Share

timbali motatae hi Tumpu, “Belentomo na anu montinjohi ka' monjagai mae aku, Tumpu-ngku, Belentomo na ku palesaya.”

Mian anu mihohung' hi Anu Matangkas na Kuasanyo, ka' jojoong mingkong hi Anu Daka' na Kuasanyo

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

Tumpu Allah nonsaimo mae malaekatnyo monjagai beleyum, da monjagai beleyum maumo pa' moya na beleyum mamba.

Ia na nongkukubi beleyum nu polipiknyo sahingga beleyum madi' ko anu mompoposia kiijo' i uno nyo; kanonongan-Nyo sumomo kanta monjagai beleyum.

Kalana beleyum nongalamo Tumpu da tinimbali anu nonsangaja'i beleyum. Anu Matangkas na Kuasanyo ingalamo nu beleyum salaku anu monjagaimo beleyum. Sahingga beleyum madi'mo nutokai mae nu balaa', laigan nu beleyum madi'mo nutokai mae nu balaa'.

Ia na molapasakon beleyum da madi' nukona nu kasilakan anu opohowini, ka' panyakit anu momboa kasilakan.

Maumo 1.000 na mian silaka i sohipi' nu beleyum, ka' 10.000 i sasu koanan nu beleyum, panyo beleyum madi' kinona nu apa-apaa.

Beleyum bolimo mabuhuk i balaa' anu toka mae pihi, kabai anu saintolo-tolo montumbuhimo mae sinaa; kabai balaa' anu toka mae salatan pintungmo, kabai kasilakan anu montokai mae sonsu'un sinaa.