MAZMUR 90
90
KITAB KO OPATNYO:
MAZMUR 90–106
Tumpu, na bau pihohungan nu manusia
1Doi i Musa, posaihon nu Tumpu.
O, Tumpu, Belentomo na bau pihohungan mami
molundu-lundu na tulunan mami.
2Ma'isa pe'e bungkutnyo iwi-iwi' pinotimbali,
ma'isa pe'e tano' ka' dunia tinali' nu Belento,
Belentomo na Tumpu anu sampe toka sidu-sidutu',
madi' ko katampu'unannyo ka' madi' ko ka'ahenannyo.
3Belento nonsaimo mian ninsusule' i pinolengkatannyo mae,
tinimbalimo abu' susumo salatanmo pe'e momonanyo.
4 #
2Ptr. 3:8
De hi belento 1.000 na taun ola susumo sansinaa na kopinnyo,
sinaa nabongi'an mae anu ihikuhakonmo ola,
susumo monjaga pihi mobolo-bolosan.
5Belento nonganjuhakonmo kami; kami ola susumo nongipi,
susumo hemput anu milondekmo;
6salatan subu-subumo ia tololojutmo ka' timbokamo,
panyo mangkalualemo salatan malomo.
7Kami tinolokengkengmo i tambuha' nu Belento,
ka' nohopu'mo kalana pusa nu Belento.
8Belento nompo'una'mo kasala'an mami i ahop nu Belento,
dosa' mami anu sulu-suluk kinantoaanmo hi Belento.
9Kantumuu'an mami kodo' kalana tambuha' nu Belento,
taun-taun nu umun mami mingkot ola susumo monsawohakon sawo.
10Kopinnyo nu kantumuu'an mami ola pitumpulu' na taun
de kami mahoson, yo montokai ualumpulu' na taun.
Panyo madi' mo sanang ka' sansalamo na ota'up mami;
salatan tumuu'mo sasaingoni', kami mule' madi'mo ahi' otoa-toa.
11Ihe na monsumbu' tambuha' nu Belento anu taha-tahahumo
kabai mangalati' hondo pa' mosia na ka'ahenannyo nu tambuha' nu Belento?
12Bee'i mae pangalati'an na kami da osumbu' mami na kantumuu'an anu ola kodo-kodo' aiya
da kami timbali mian anu ma'ima' na kinyonyoanyo.
13O, Tumpu, sampe toka hipian na Belento motambuha'?
Po'ule'mo mae toka ka' kalibosiakonmo mae na to posa-posaihon nu Belento haha aiya.
14Bee'imo mae na kami kalibosan nu belento de subu-subumo,
da kami lame'mo ka' saja'mo manyanyi i uno nu kantumuu'an mami.
15Bee'i mae na kami kantumuu'an anu ma'ima' anu sitimbangmo tiba kasansala'an mami
anu ingoa'anmo mami i taun-taun kami nongoa'i kasansala'an.
16Potoamo mae hi kami to posa-posaihon nu Belento na anu binaumo nu Belento
ka' kakuasa'an nu Belento anu talasanggo hondo hi to lelee' mami.
17O, Tumpu mami, balakatiakon mae na kami,
da anu okalaja mami iwi-iwi' ko hasinnyo ahi'.
Currently Selected:
MAZMUR 90: LAILOE
Highlight
Copy
Compare
Share
Want to have your highlights saved across all your devices? Sign up or sign in
