MAZMUR 92
92
Nyanyian bau pompuji'
1Nyanyian anu onyanyi i sinaa nu Sabat.
2Totu-totu'u ma'ima' hondo na montalima kase hi Belento, O Tumpu,
ka' mompuji' Belento, Tumpu Allah Anu Daka' hondo na Kuasanyo;
3mombebakon kalibosan nu Belento salatan subu-subumo,
ka' kanonongan nu Belento salatan pihimo.
4Okuti'akon gitan anu sampu-sampulu' na bantangnyo,
opohingga-hinggatakon gambus tiba kasapi'.
5Kalana palabuatan nu Belento momposanang hondo kinyonyoang-Ku,
aku lame' hondo na manyanyi kalana montoa kalaja nu Belento.
6Talalo hondo daka' na hahan anu binaumo nu Belento, O, Tumpu,
talalo hondo maleeng na pikilan nu Belento!
7Mian anu ponga' madi' hondo moko ala monsumbu'
mian anu waweng madi' moko ala mompangalatii.
8Ku gantang mian anu palaganta tumuu'mo molumba' susumo hemput,
ka' mian anu ma'idek na kinyonyoanyo mompaka kayamo ka' mompaka bilahimo;
panyo aha opateimo madi'mo ko anu opotuha',
9kalana Belento, Tumpu, na balakuasa sampe toka sidu-sidutu'.
10Osumbu' mami sampobali' nu Belento opateimo ingko-ingkot, o, Tumpu,
iwi-iwi' na mian anu ma'idek na kinyonyoa oga'a-ga'at madi'mo oposa'angu'.
11Pinohosonmo nu Belento na aku susumo sapi' anu ma'ela',
ka' nombalakatimo mae aku, da nohumpakmo kantumuu'an ma'ima'.
12Aku nontoamo anu nompobali' mae nahungku'mo,
to mia-mian anu tinontinjomo nongewa mae aku,
iwi-iwi' na tanga'an nu aha anu ma'idek i hongongkumo.
13Mian anu hodi' na kinyonyoanyo nilondekmo susumo kurma,
ka' nolumba'mo na tinumuu' susumo kau' lontio' nu Libanon.
14Aha sumomo kau' anu sinu'an kiijo' i Laigan nu Tumpu,
ka' nodensu'mo na kodaka'nyo kiijo' i Laigan nu Tumpu Allah-nto.
15Kau' anu daagi' saja' mimbua' maumo ia talalomo hondo pinin na tinumuu',
panyo sabole-boleh molumba' ka' molunoi.
16Aijo'mo na tanda bau pontoan saba' Tumpu memang adin;
Ia na nontinjohi mae aku, madi' ko han anu tageo' hi ia.
Currently Selected:
MAZMUR 92: LAILOE
Highlight
Copy
Compare
Share
Want to have your highlights saved across all your devices? Sign up or sign in
