AMSAL 15
15
1Tiba pontaami anu madi' kopesa-pesa tambuha' timbali mohuhus;
panyo de pontaami anu talalo mapohos mombau da ola mompaka motambuha'.
2Potatae nu mian anu pande mombau da ilimu' lebe oka'ima'i
panyo potaate nu mian anu ponga'isinyo ola ahi kaponga'an.
3Tumpu montoa iwi-iwi' anu jinadimo iyaya mae na tampat;
Ia mompalahatikan iwi-iwi anu ma'ima' kabai anu ma'idek.
4Potatae anu ma'ima' mongkakeha' da bihan na kinyonyoa;
panyo potatae anu monsakiti kinyonyoa mombau da lu'us na tanga'an.
5Mian anu ponga' montee pokinde nu tuumanyo;
panyo mian anu pande montuluti tuumanyo.
6I laigan nu mian anu manonong manjoo' na halata;
panyo kakaya'an nu mian anu ma'idek na kinyonyoanyo ingingkotanmo nu balaa'.
7Potatae nu mian anu pande manjoo' na ilimu'nyo;
panyo pikilan nu mian anu ponga' madi' sumo aijo'.
8Tumpu montalima do'a nu mian anu manonong;
panyo Ia mongka'ideki palasombahan nu mian anu ma'idek na kinyonyoanyo.
9Tumpu mongka'ideki kalakuan nu mian anu duluhaka;
panyo Ia mongkalibosi mian anu mompagala mombau apaa na anu Nu kahanda'i.
10Mian anu mombau palabuatan anu ma'idek saidi mae osakisa;
mian anu madi' timbali otewa' saidi' mae silaka.
11Nu sumbu' nu Tumpu na dunia nu mian anu sinilakamo ka' apa-apaa na anu jadi ikiijo';
madi' opoko ala oposuluk na pikilan nu mian hi Ia!
12Mian anu lewa' mongka'ima'i mongalu madi' mongka'oho' otewa';
ia madi' mongka'oho' momoita pokinde' hi mian anu pande.
13Kinyoa anu lame' otoa isahaya nu ohup;
panyo kinyonyoa anu susa' mompohente sahingga madi'mo bihan na kinyonyoa.
14Mian anu pande molio ilimu';
panyo mian anu ponga' na ola ahi' tasiaga nu kaponga'annyo.
15Mian anu madi' lame' na kinyonyoanyo tionyo ahi' saja' bala usaha i uno nu kantumuu'annyo,
panyo mian anu saja' lame' mohumpak ka'ima'an i unonu kantumuu'annyo.
16Lebe ma'ima' ola sangkiding na halata'panyo monsumbu' mabuhuk hi Tumpu,
ka' de mule' manjoo' na halata' panyo saja bata-bata.
17Lebe ma'ima' mongkaan utan asan mompaha kali-kalibosi;
ka' demule' mongkaan ponoha' anu matami' padahan ola mompaha ka'i-ka'ideki.
18Mian anu malia' pusa monsaduakon painggagan;
panyo mian anu sabaan momboa paladamean.
19Mian anu moluluk saja'mongoa'i kasusa'an;
panyo mian anu madi' tageo' na kinyonyoanyo madi mohumpak kasusa'an.
20Anak anu pande momposanang kinyonyoa nu tuumanyo;
panyo anak anu ponga' madi' mohalagai tinanyo.
21Kaponga'an aijo'mo na kasanangan nu mian anu madi' sampa mangalati';
panyo mian anu pande kantumuu'annyo madi' tageo'.
22Anu otanga'i madi' jadi de madi' opotutugakon pe'e;
panyo anu otanga'i kohasinnyo de manjoo' na anu mombee'i pokinde'.
23Potatae anu otaeakon kona memang itempo'nyo mompotoka mae kasanangan nu kinyonyoa,
24Mian anu pande montulu jalan anu mapindako anu mompanjolongi kantumuu'an;
ka' misa jalan anu mintua anu mompanjolongi kasilakan.
25Tumpu mohobo'akon laigan nu mian anu takabun;
panyo tano' nu samian na anu binalumo, Ia na monjagai.
26Tumpu mongka'ideki tanga'an anu ma'idek;
panyo potatae anu ma'ima' momposanang kinyonyoa-Nyo.
27Ihe na molio ka'untungan anu madi' halala' mompateimo posi auannyo;
panyo ihe na mongka'ideki doi anu bau ponsogo' saidi' mae kantumuu'annyo sanang.
28Mian anu manonong nu tutugi pe'e ahi' na anu nu taeakon;
panyo mian anu ma'idek na kinyonyoanyo montaeakon hahan anu ma'idek.
29Tumpu mompotombihing de ko mian anu manonong na balado'a;
panyo Ia madi' mompajuli mian anu duluhaka.
30Ohup anu lame' mompobilahi suele kinyonyoa;
lele anu ma'ima' mompolumu santu'.
31Mian anu mompajuli de otewa';
minsoopmo mian anu pande.
32Mian anu madi' mongka'oho' opokinde'i madi' mohalagai posi butongnyo;
panyo mian anu mongka'oho' montalima pokinde' timbalimo mian anu manonong.
33Mabuhuk hi Tumpu atina'mo na tampu'unannyo nu pangajalan anu ma'ima',
panyo madi' kobubuun na kinyonyoa na obau pe'e ahi' momona atina'je ka' kaholomatan.
Currently Selected:
AMSAL 15: LAILOE
Highlight
Copy
Compare
Share
Want to have your highlights saved across all your devices? Sign up or sign in
