Popular Bible Verses from AMSAL 15

Share

Tiba pontaami anu madi' kopesa-pesa tambuha' timbali mohuhus; panyo de pontaami anu talalo mapohos mombau da ola mompaka motambuha'.

Mabuhuk hi Tumpu atina'mo na tampu'unannyo nu pangajalan anu ma'ima', panyo madi' kobubuun na kinyonyoa na obau pe'e ahi' momona atina'je ka' kaholomatan.

Potatae anu ma'ima' mongkakeha' da bihan na kinyonyoa; panyo potatae anu monsakiti kinyonyoa mombau da lu'us na tanga'an.

Anu otanga'i madi' jadi de madi' opotutugakon pe'e; panyo anu otanga'i kohasinnyo de manjoo' na anu mombee'i pokinde'.

Kinyoa anu lame' otoa isahaya nu ohup; panyo kinyonyoa anu susa' mompohente sahingga madi'mo bihan na kinyonyoa.

Tumpu montoa iwi-iwi' anu jinadimo iyaya mae na tampat; Ia mompalahatikan iwi-iwi anu ma'ima' kabai anu ma'idek.

Lebe ma'ima' ola sangkiding na halata'panyo monsumbu' mabuhuk hi Tumpu, ka' de mule' manjoo' na halata' panyo saja bata-bata.

Mian anu malia' pusa monsaduakon painggagan; panyo mian anu sabaan momboa paladamean.

Mian anu manonong nu tutugi pe'e ahi' na anu nu taeakon; panyo mian anu ma'idek na kinyonyoanyo montaeakon hahan anu ma'idek.