Salmos 37
37
Dawan yakat kulnam āta dutah
Devid kaupak.
1Muih dudutni balna yulnina kulnam daukalwinih,
dawak dutni yamyang balna yulnina tumwinih,
2kat witingna kidika sirihni kusulawi, sihm sihrsihr kapat;
¡dawak dibasta kapat kusulalawi!
3Dawan yakat kulnam āta dutah dawak di yamni balna kidika yamtah,
sau yakat yalahta dawak barangni awah.
4Kulnam dalani kau kalkultah Dawan yakat,
dawak witing yaklauwi di as tanit dukih mawa dini kidika mana karang.#Pro 23:17-18; 24:19-20.
5Man sangmaka kidika Dawan tingni yakat kalatah;
witing yakat kulnam āta duta, witing kaiwi ilp mawarang.#Pro 16:3.
6Yamwak witing barangni kidika yaringni kalahna karang, dawak la kat yamwa kidika bik
sihm matunak kat ma yaringni duwa kapat karang.
7Dawan muhnitani yakat ap awah;
kulnam laihwatta tahatah, bahang witing ilp mawarang.
Man kulnam daukalwinih, sangnika pasyakat minit bayayakwa kidika yulni,
dawak warkni dudutni balna yamnin kulwa kidika yulni.
8Kulnin daukalnin kidika datah, dawak annin kidika ruhmta datah;
kulnam daukalwinih, kat kidika yaklauwi di balna kidika baisa daukalwi.
9Kat muihni dudutni balna laih kidika sauni kaupak yakmukna karang bahang,
kaunah Dawan yakat kulninna āwi duduwa balna laih
witing yaklauwi panina diana karang.#Pro 2:21-22.
10Baisa tihn dawak muih dudutni balna kidika diskarang ki;
walwarang karangbik sip yakwas karangki.
11Kauna muih limamahni balna kidika laih sau adika dinina duduna karang#Dt 11:8-9; Sal 25:12-13; Mt 5:5.
dawak witing isningnalak palni karang di bitik niningyakat.
12Muih dutni kidika yaklauwi muih al yamni yakat dutni kalyamnin yamwi,
dawak witing minikpa kau talwa kidika laih dutni kulwi kaltalwi.
13Kaunah Dawan laih kari,
kat witing laih amanglawi muih dutni awarni balna kaiwi kawa kidika.
14Muih dudutni balna kidika lasnina yakwi ihiwi
muih miniknakunni balna dawak limahni balna kidika bukna atnin yulni,
¡muih yamni yamyang balna kidika īna atnin yulni!
15Kauna witing alas isniparah kidika kau isning yakat pana karang,
dawak lasni balna kidika bahwi bikis dana karang.
16Muih al yamni di bubin duwa kidika kau yamni ki,
muih dudutni balna di mahni duduwa kidika karang dawakat.#Pro 15:16.
17Kat Dawan yaklauwi dahn yamna karang muih dudutni balna kidika,
kauna muih yayamni balna kidika laih laihwi dulauwarang.
18Dawan yaklauwi muih dutni yayamwas balna kidika maintalwi,
dawak witingna dininapahni kidika laih ban kaput karang bayakkiwas.
19Ma dutni balna kasnin dini dis kalwa kidika yakat
witingna asalnina kalahwas bayayakwarang,
kat witingna laih kasninna manas duduwarang bahang.
20Muih dudutni balna kidika laih dibasta buhlana kapat#37.20 Dibasta buhlana kapat: kaput ulna kidika yamni kapat ki. Hibru kau laih amangladaski. dibusna karang;
Dawan waihnila balna kidika wayau kapat pini didisna karang.
21Muih dutni kidika di as wayaki yulwi duwi kauna lauwaski
kauna muih al yamni kidika laih minikun talnin lani duwi dawak kulnin bik yamni ki.
22Dawan yaklauwi blisyamwa muihni balna kidika,
witingna sau adika duduna karang,
kaunah witing yaklauwi dutni diyulna muihni balna kidika laih dadauna karang.
23Dawan yaklauwi duwi kiwi muih al lapakwa balna kidika#Pro 20:24.
dawak witing angdika tani dukih kalawa yakat lakna ki;
24bukwarang karang bik, witing ban kaput awaskarang,
kat Dawan yaklauwi witing tingni yakat laihwa bahang.
25Yang wahmayang dai, kauna waralaih muih barak kalnayang,
kauna yang talasyang dai muih al yamni kidika ruhmwi dana kat,
dawak walanibis balna kidika talasyang dai muih kauh diyuyulwak.
26Awar bitik yakat minikun talnin kidika kulnin yakat sakki,
bahang muih yakat witing dini kidika wayaki diawi;
dawak walanibis balna kidika laih blisin as ki.
27Dutni kidika kaupak naikau alahwah, dawak di yamni kidika yamtah,
dawak kaput laih man ban kaput duta awama yalahnam pāni kidika.
28Kat Dawan laih la barangni kidika dalani talwi
dawak ruhmwi dawaski witing yakat barangni balna kidika;
kaunah muih dudutni balna kidika laih dismukwi#37.28 Muih dudutni balna kidika laih dismukwi: Grik kau ulna kidika kaput yulwi. Hibru kau laih yulwi ban tanitna dakwi.
sulani as bik dawaski.#Job 18:19.
29Muih ahal yayamni balna kidika laih sau kidika witingna dinina duduna karang
dawak kidika yakat witingna laih nining ban kaput yalalahna karang.
30Muih al yamni kidika sins lani tuhni karak yulbauwi;
dawak muih al yamni kidika la kat yulbauwi.
31Witing isning yakat duwi Papang sumalna balna kidika;
¡kidika bahang wat as bik atakwak karhwas karang kalni!
32Muih dutni kidika muih al yamni yakat yakpakdi kaltalwi,
īna atnin yulni;
33kaunah Dawan yaklauwi dawas karang witing tingni yakat bukna atnin,
kaput bik dakwak muih dutni kapat kalkukulwas karang.
34Man Dawan yakat kulnam āta dutah, dawak yulni kat daka yamtah,
kat witing yaklauwi malaihwi madulauna karang,
dawak sauni kidika man yakat dima manakarang.
¡Man mamakpa kau talma muih dudutni balna kidika dismukwak!
35Muih dutni kidika talnayang, witing manah nuhni kaldakawak,
sihm pan as nuhni kalwa kapat;
36kaunah kiuna, dawak likdai kidika diswada;
walnayang, kauna sip yaktasyang dai.
37Yamni talah muih al as kulnin yamni dawak dutni bik yamwas yakat:
kidika lani tanit yakat sakkidika laih kulnin aslah lani.
38Kauna kulninna dudutni balna kidika laih amungni dismukna karang;
muih dudutni balna tanitna kau sakkidika laih dismuknin kidika sakki.
39Muih ahal yayamni balna ilpnina kaiwa kidika laih Dawan kaupak kaiwi,
bahang kidika laih yakmaldinin pāni as duduwi ma dutni balna kaiwak.#Sal 9:9.
40Dawan yaklauwi ilp diawak kiri yaklalawi.
Diyamwak muih dudutni balna kaupak kiri yaklalawi, dawak laihwi yakwi,
kat witing yakat tanitna daknin kidika wawalna bahang.
Currently Selected:
Salmos 37: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
