Salmos 36
36
Muih al dutni yamwa kidika dawak Papang dalani lani duwa kidika
Coro sumalniyang kaupak, devid kaupak, Papang dini yamyang.
1Dutni kidika yaklauwi muih dutni yakat yulkalbauwi
witing kulnin pasyakat.
witing kulnin yakat duwas ki
Papang yakat yamadunin kidika.#Rom 3:18.
2Kaldakawi witing kidika ayangni nuhni yamnin ki,
dawak dutni yamna balna kidika dutni as bik yakwas kapat kaldakawi.
3Yul maisihni yulyang dawak alas muihni kidika
la kat atnin kidika disna, di yamni yamwadai kidika bik dana.
4Pāni yakat kalangwi, dutni yamnin balna kidika kulwi yakwi ridi kalahwi;
witing tāni dutni kidika yakat barangni laihwi kiwi
dutni kidika kaupak danin kulwas ki.
5Kaunah Dawan, man dalani talaman kidika laih makau kisang yakat kilwi kāwi;
man barangniman kidika laih makau kisang kidika kat kilwi kawi.#Sal 57:10.
6Man lāma barangni kidika laih sihm asang nunuhni kapatki;
man lāma balna kidika laih sihm kuma nuhni tuhni kapat ki.
Man, Dawan, muih al yakat maintalaman dawak di ūk balna yamnaman yakat bik.
7¡Man dalani lani dutaman kidika laih yamni palni ki, Papang!
¡Lawāma dinit yakat muih al kidika tanit daknin walwi!
8Isninglak palni dawi
man ūma kau kasnin dini mahni dutaman bahang;
man lawa was auhni as murwatus kidika kaupak diatang didiwa bahang,
9kat man yakat sangka atnin saran kidika sakbahang
dawak man ingni dutaman kidika kau yangna sipyangna ingni talna atnikna.
10Kalataman ban, dalani lani dutaman kidika dawak la kat yamtaman kidika bik
man amangmalalawa balna kidika,
muih ahal kulninna yamni balna.
11Datangkat ya-ataknin awaski,
witingna manah kapat kaldakakawa muihni balna,
dawak muih dudutni balna yaklauwi yabaunin awaski.
12¡Talnauh, muih dudutni balna kidika ampat bubukwih!
¡Bubukwi watwi yaklaunin awas!
Currently Selected:
Salmos 36: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
