Popular Bible Verses from Salmos 37

Share

Kulnam dalani kau kalkultah Dawan yakat, dawak witing yaklauwi di as tanit dukih mawa dini kidika mana karang.

Man sangmaka kidika Dawan tingni yakat kalatah; witing yakat kulnam āta duta, witing kaiwi ilp mawarang.

Dawan muhnitani yakat ap awah; kulnam laihwatta tahatah, bahang witing ilp mawarang. Man kulnam daukalwinih, sangnika pasyakat minit bayayakwa kidika yulni, dawak warkni dudutni balna yamnin kulwa kidika yulni.

Dawan yakat kulnam āta dutah dawak di yamni balna kidika yamtah, sau yakat yalahta dawak barangni awah.

Dawan yaklauwi duwi kiwi muih al lapakwa balna kidika dawak witing angdika tani dukih kalawa yakat lakna ki; bukwarang karang bik, witing ban kaput awaskarang, kat Dawan yaklauwi witing tingni yakat laihwa bahang.

Yamwak witing barangni kidika yaringni kalahna karang, dawak la kat yamwa kidika bik sihm matunak kat ma yaringni duwa kapat karang.

Kulnin daukalnin kidika datah, dawak annin kidika ruhmta datah; kulnam daukalwinih, kat kidika yaklauwi di balna kidika baisa daukalwi.

Yang wahmayang dai, kauna waralaih muih barak kalnayang, kauna yang talasyang dai muih al yamni kidika ruhmwi dana kat, dawak walanibis balna kidika talasyang dai muih kauh diyuyulwak.

Muih dudutni balna yulnina kulnam daukalwinih, dawak dutni yamyang balna yulnina tumwinih