Isaya 33
33
Kuxaniseka ni kuhanyiswa
1Dikhombo kwako u handako na u sa handwa,
awe u kanganyisako vale,
va nga mbi kukanganyisa!
Mbimo yi u no heta kuhanda, u na handwa;
u txi na heta kukanganyisa, u na kanganyiswa nawe.
2 Mkoma hi mahele wumbilu! Hi verete;
u nave awe mtamo wathu ditshiku ni ditshiku,
kambe uva m'hulukisi wathu, ka mbimo ya kuxaniseka.
3Vamatiko va txipfa diguwa dako, vo tutuma;
u txi wuka, matiko mo hangalaka.
4Sekoko simaha sanu si na handwa,
si txi nga ti va ñolisako tona txhowani;
a na ndaka kufana ni humbi yi ndakako.
5 Mkoma a gulekile nguko a zumba txitimwi;
a tatile Siyoni ngu wunene ni wululamo.
6Se ku nava ni kuzumbiseka ka masiku ako,
kutala ka kuhanyisa, wutxhari ni wuzivi;
se kuthava Mkoma yi na va i di thomba yanu.
7Wonani, tindena takwe ta dhana ngu kule,
se mitumi ya kudikha ya dila ngutu.
8Tinzila ta hombe ti fuvile, va tsimbili va tona va ti lekile,
a funyile txitumelelano, e txhipisa madhoropa,
kambe kha khatali ngu m'thu ni wammweyo.
9Ditiko#33:9 Ditiko: Mafu. da kuma ni kupeka huwa,
Libhanoni a ni tingana, a wunile,
Xaroni a hindukile e fana ni txiwula,
Bhasani ni Karmeli va zuzilwe.
Mahungu o lumba valala
10Konkuwa ni na khukha ni ema, kuwomba Mkoma;
“konkuwa ni na khukha ani nipune”;
konkuwa ni na guletwa.
11Mi khuri txirumbu txa mwasi wa kuoma,
mi na veleka mwasi wa kuoma,
moya wanu wu na mi tshokomisa nga mndilo.
12Se vathu va na nga wuhya wa dibumba,
va nahya ngu mndilo, kufana ni mipa yile yi nga gangelwa.
13Engisani anu mi manekako kule, ati ni mahako;
ni nanu mi ku hafuhi, zivani mtamo wangu.
14Vaonhi va Siyoni, va na thava,
kudhudhumela kukhakhetile vakanganyisi.
I mani hagari kwathu a no zumba ni mndilo wu wu tshokomisako kani?
I mani hagari kwathu a no zumba ni midhikila ya kwa mbi gwita kani?
15Awu a tsimbilako ngu kululama,
kambe a wombawombako ngu wunene,
a tshotshako kule ni nene kuhumelela ngu wutsindaveti,
a zuzako ngu manzani kwakwe sotshe siningo;
a tsivako tinzeve kasi asi engisi kuwombawombwa ngu mnoha,
ni kutsiva maso kasi asi woni kubiha,
16Awuwa a na zumba txitimwi;
mikhokhola ya marigwi yi na maha wuthavelo wakwe wo guleka,
a na ningwa dipawu dakwe, ni mati akwe ma na maneka.
17Maso ako ma na wona kutshura ka hombe ka Mfumeli,
kambe ma na wona ditiko da kule.
18Mbilu yako yi na alakanyela kuthava, yi txi kha yona:
Ahani mabhalani kani?
Ahani wule a holelako kani?
Ahani wule a balelako sitezi kani?
19Khu na mbi ngadi u wona vathu vale va sidayi,
vathu va kuwombawomba ko nemela, ti si kotekiko ku va pima,
va wombawombelo ya walo, ti si kotekiso kuyipfisisa.
20Wona Siyoni, didhoropa da mibuso yathu ya lisima,
maso ako ma na wona Jerusalema, dizumbo da kudikha,
ditenda di di na kwa mbi thaviswa,
adi tiphande ta dona ti a kwa mbi dulwa,
ni tighoti ta dona kha ti na mbi bhenuka.
21Aniko Mkoma haleya a na va wa hombe kwathu,
wukhalo wa minambo ni milonga yo anama,
ni ya yimweyo ngalava yo txungelwa kha yi na mbi pinda ngu kona,
hambi txitimela txa hombe txa mati, kha txi na mbi tsimbila ngu kona.
22Nguko Mkoma mlamuli wathu,
Mkoma mmahi wa milayo yathu;
Mkoma ngene Mfumeli wathu, ene a na hi hanyisa.
23Tingoti tako ti dhesekile;
kha ta tsanisa phande yako,
kambe kha ta nawuluta ditanga;
sekoko so handwa so tala si na abaniselwa,
se hambi silima si napa sile si nga handwa.
24Se muaki ni wammweyo kha na mbi khene: Na lwala;
nguko vathu va va no zumba ka dona, va na divalelwa ka wubihi wawe.
Currently Selected:
Isaya 33: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
