Popular Bible Verses from Isaya 33

Share

Se ku nava ni kuzumbiseka ka masiku ako, kutala ka kuhanyisa, wutxhari ni wuzivi; se kuthava MKOMA yi na va i di thomba yanu.

MKOMA hi mahele wumbilu! Hi verete; u nave awe mtamo wathu ditshiku ni ditshiku, kambe uva m'hulukisi wathu, ka mbimo ya kuxaniseka.

Nguko MKOMA mlamuli wathu, MKOMA mmahi wa milayo yathu; MKOMA ngene Mfumeli wathu, ene a na hi hanyisa.

Awu a tsimbilako ngu kululama, kambe a wombawombako ngu wunene, a tshotshako kule ni nene kuhumelela ngu wutsindaveti, a zuzako ngu manzani kwakwe sotshe siningo; a tsivako tinzeve kasi asi engisi kuwombawombwa ngu mnoha, ni kutsiva maso kasi asi woni kubiha, Awuwa a na zumba txitimwi; mikhokhola ya marigwi yi na maha wuthavelo wakwe wo guleka, a na ningwa dipawu dakwe, ni mati akwe ma na maneka.