2 Musa 15
15
Endè si Musa
1 #
Alm. 15:3
Nai iendèken si Musa dekket kalak Israel mo endè èn lako memoji Jahowa,
“Naing merendè ngo aku lako bai Jahowa,
kerna enggo tangkas Ia mennang.
Karina kuda dekket simengkundulisa
iambongken mi bagasen laut.
2 #
Ps. 118:14; Jes. 12:2 Jahowa ngo mengkepkep aku
Ia ngo paluahken aku.
Ia ngo Dèbatangku, naing pojienku ngo Ia,
Dèbata sinisembah empungku, petembulenku ngo Ia.
3 Jahowa ngo lubalang mahantu,
Jahowa, ngo gerarNa.
4Soridadu kalak Mesir dekket karina kurètana,
ikebbekken mi laut.
Pakalima-pakalima simergegoh
lenneng i laut Gelagah.
5Itellen laut simbages i ngo kalak i,
janah tosè bagè batu lenneng mi andesenna.
6Kelengangen kalohon ngo kegegohenMu, alè Jahowa,
kerri ngo sompar baèr musuh ibakin Ko.
7Merkitè kinitèmbulMu mahangga i,
ibinasaken Kono karina simengalo Ko.
PungurMu mergollah bagè api,
janah menutung kalak i bagè ronci.
8Laut isempul Ko, merpuyu mo laè mi dates,
ntengkes bagè ling-ling,
gabè ndorok merdalan tarap dangaen laut.
9Nina musuh i mo, ‘kujalang janah kutangkup mo kalak i,
kusintak mo pedangku, janah kuenggoi kalak i.
Nai kurampasi mo karina harta kalak i,
kupempellaken mo, janah kukerriken soh mpulak kuakap.’
10Tapi ukum Jahowa sikali kumessah
mengkerohken ari kememago bai kalak Mesir.
Lenneng kalak i tosè bagè cimberrah mbotong
ibas laè simergoncang.
11Menter lot kin mo dèbata sindorok mengalo Ko,
alè Jahowa simermulia janah simbadia?
Mènter isè mo ndorok memaingken kelengangen
dekket perbuaten mahantu bagè Jahowa?
12Iambasken Ko sambing, tanganMu kamuhun,
mènter mersep ngo musuh ibendut tanoh i.
13Iuluken Ko ngo bangsa sienggo nipaluahmen,
kumerna setia Kono i jandiMu.
Merkitè kegegohen mahantu ilenggemmi Kono kalak i,
janah iteggu-teggu Kono mi tanohmu simbadia i.
14Idengkoh bangsa-bangsa sidèban mo i, gabè menggirgir;
kalak Palistin dekket raja-raja Edom gontar.
15Kalak Moab simergegoh i, kadotdot
ndutdut mo kalak Kanaan.
16Mbiar kalohon mo kalak i,
menaksiken kegegohen Jahowa.
Tikan memellus bangsaMu, oda pang musuh mengambat;
rempur mo bangsa sienggo nipaluahmi.
17Nai itaruhken Kono mo Israel
mi bekkas sienggo ipilih Kono kin mahan bekkasMu.
Menettap mo kalak i i dellengMu simbadia i,
i bages sinipajekMu sendiri.
18Ko ngo Jahowa, Raja,
simemerèntah soh mi sidekkah-dekkahna.”
Endè si Miryam
19Sinderrang isuberrangi kalak Israel i laut, merdalan ngo kalak i ipas dangaen laut sienggo kerrah i. Tapi sinderrangna mbengket kurèta-kurèta kalak Mesir bak kuda dekket simengkundulisa mi bagasen laut, ibakin Jahowa mo merdalan laè laut i nai mènter terneknek mo kalak i.
20Nai ibuat si Miryam, sada kalak nabi daberru turang si Aron mo gendangna, janah karina daberru mersipalu gendangna ninganna tumatak. 21Merèndè mo si Miryam i tengah kalak i,
“Merendè mo lako bai Jahowa,
kerna enggo tangkas Ia mennang.
Karina kuda dekket simengkundulisa,
iosepken mi bagasen laut.”
Laè mpagit
22Enggo kessa i iuluken si Musa mo bangsa Israel i Laut Gelagah nai menuju padang gurun Syur. Sidekkah tellu ari kalak i merdalan ipadang gurun i laju oda lot jumpa laè. 23Nai soh mo kalak i mi sada bekkas simergerar Mara, tapi mpagit kalohon ngo laè sinisidi gabè oda terènum. Kumerna i igerari kalak i mo bekkas idi Mara, lapatenna mpagit. 24Nai ngut-nguten mo kalak i taba si Musa janah mengkusoken, “Kadè nola mo ènumenta?” 25Mersodip mo si Musa ibagasen ukur kibbul taba Jahowa, nai ituduhken Jahowa mo tabasa kayu simpenggel. Iambongken si Musa mo kayu i mi bagasen laè idi, nai gabè tabar mo laè idi janah ndorok iènum.
I bekkas i mo Jahowa memerèken hatoren bai kalak i janah i sidi ma mo Ia mengoji kalak i. 26Nina Jahowa mo, “Uèi kènè mo Aku mertuhu-tuhu, janah ulaken mo barang kadè simendè bangKu; èkutken mo karina perèntahKu. Mula ibakin kènè bagi, oda Kuhukum nènè merkitè sakit siKupesempa taba kalak Mesir. Aku ngo Jahowa sipemalumken kènè.”
27Nai enggo kessa i sakat mo kalak i mi sada bekkas mergerar Elim. Lot ngo i sidi sipuluh dua laè mul dekket pitupuluh ngkambenna kurma. Merkemmah mo kalak i i gembar laè idi.
Currently Selected:
2 Musa 15: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
