Popular Bible Verses from 2 Musa 15

Share

Nina JAHOWA mo, “Uèi kènè mo Aku mertuhu-tuhu, janah ulaken mo barang kadè simendè bangKu; èkutken mo karina perèntahKu. Mula ibakin kènè bagi, oda Kuhukum nènè merkitè sakit siKupesempa taba kalak Mesir. Aku ngo JAHOWA sipemalumken kènè.”

JAHOWA ngo mengkepkep aku Ia ngo paluahken aku. Ia ngo Dèbatangku, naing pojienku ngo Ia, Dèbata sinisembah empungku, petembulenku ngo Ia.

Menter lot kin mo dèbata sindorok mengalo Ko, alè JAHOWA simermulia janah simbadia? Mènter isè mo ndorok memaingken kelengangen dekket perbuaten mahantu bagè JAHOWA?

Iuluken Ko ngo bangsa sienggo nipaluahmen, kumerna setia Kono i jandiMu. Merkitè kegegohen mahantu ilenggemmi Kono kalak i, janah iteggu-teggu Kono mi tanohmu simbadia i.

Nai soh mo kalak i mi sada bekkas simergerar Mara, tapi mpagit kalohon ngo laè sinisidi gabè oda terènum. Kumerna i igerari kalak i mo bekkas idi Mara, lapatenna mpagit. Nai ngut-nguten mo kalak i taba si Musa janah mengkusoken, “Kadè nola mo ènumenta?” Mersodip mo si Musa ibagasen ukur kibbul taba JAHOWA, nai ituduhken JAHOWA mo tabasa kayu simpenggel. Iambongken si Musa mo kayu i mi bagasen laè idi, nai gabè tabar mo laè idi janah ndorok iènum. I bekkas i mo JAHOWA memerèken hatoren bai kalak i janah i sidi ma mo Ia mengoji kalak i.