1 YOHANES 3
3
Allah arereis atakam
1Baporay! Allah daytinak afaimero. Erarawa Armat Ipit atakam akoromero. “Tare deJii.” Emes atakam aesimero. Emesare, dare arereis darare. Ara aemansa tapirmi owe ere, Allah amsam apok. Erarawa, era owe danom amsam apok. 2Dejoo owe akot! Dare waa Allah arereis. Era asep bare aememtam pak ere, dare baporkorom apok. Kristus ajisemto, dare Armat Ipit binak, aportemarom. Emesare, danom Armat Ipit tamen aememtemarom. Dare emes damsam. 3Emes atakam jiirey aeemas owe takes, turunak owe aememportetertemas— Kristus turunak aememmar tamen are.
4 Dosa, ere Allah basakamtam atakam baoo pak. Erarawa dosa aememas owe, Allah basakamtam atakam aooemas. 5Kristus ere, dadosa bakokomosomtam ajateeme. Are dosa apok Ipit. Tare emes tamsam.
6Kristus takan aemapaaremas owe, dosa baemaar apok. Me, dosa aemaaremas owe, Armat Ipit bimnuk baemamtaer apoknak aemes. Are Armat Ipit amsam apok.
7Tiparais! Owe potet tara batutum bas. Turu pak aemaaremas owe, owe turunak aemememas. Are Kristus turunak tamen aemememas. 8Bii Kapar Ipit, dosa, bonaknak aeemaarir. Erarawa ara dosa aemaaremas owe, Bii Kapar Ipit aowe. Allah Andep ere, Bii Kapar Ipit aememar pak bandanaesumosomkorom ajateeme.
9Allah, abimak binip, arereis takes atetameme. Erarawa era owe, dosa baemeemaar asan apok. Allah era owe Aritipit. Erarawa era owe dosa baemeemaar asan apok. 10Era turu pak baemaar apok owe takes, ere Allah arereis apok. Me ajoo owe bafaim apok oweam, Allah arereis apok. Erarawa Allah arereis apa pak apormarom. Bii Kapar Ipit arereisam apa pak apormarom.
Danom bajamfaimamaar atakam
11Tanom ara atakam bonaknak jane emejiaarukum. “Danom ajamfaimamaaramo.” Emes atakam jane ajiaarukum. 12Danom Kain aeme pak tamen bas. Are era Asan Pota Ipit aipit aememe wanam are areot amba atatiien. Me Kain ere, areot apa tatiie? Kain era aemaarir pak, ere asan pota. Me areot aemaarir pak ere, turu. Erarawa Kain areot atatiien.
13Dejoo owe akotnak! Emesare, ara aemansa tapirmi owe, bifane tara afeomemtan, tanom jinim bae bas. 14Dare dajoo owe afaimmarom. Erarawa dare era dambir pak beken ajiosom, wanam era jiinenak pak ajiiom, emes apormarom. Me owe bafaim apok owe ere, dambir owe tamen aemapaaremas. 15Ajoo owe bifane afeomememas owe, ere owe bata owe. Era owe bata oweam, jiinenak baememaar apok. Tare emes tamsam.
16Kristus afaimero. Erarawa Are dambir atemtamero. Dare emes apormarom, wanam bafaim paknak apormarom. Emesare, danom emes dambir owe batemtam amaye. 17Pak daytu owe, ajoo owe asan pota baemap aportas apaye, wanam are era owe seekot baoorpor apok aemtas apaye, are Allah bafaim apok. 18Tiparais! Dare owe bafaim, bwea atakam taka bas. It pitin atakam taka bas. Dare ere, pak baem amaye. Dare owe bafaimnak baem amaye. 19Dare emes aemtam apaye, dare era atakamnak ajamkaimarom apormarom. Danom Allah bipu aememtam, dare jak fiak aememtemarom. 20Dare dajak bomon, dosa aportam apaye, Allaham pak takes aporkoromum, emes apormarom. Are amsam takes. Dare ere, bapor apokkope aemmarom.
21Dejoo owe akot! Dare dajak bomon, dosa apok aportam apaye, wanam Allah bipu aememtam, ere danom jak fiak aememtemarom. 22Dare abasakamtam atakam ji aeetam apaye, wanam aakot pak jipu aemtam apaye, Allah era atakam ajanimtam pak takes atetamtemaro. 23Allah atakam asakamtammaro ere, “Tare deTii eemnak ambesemkoromaaray. Tarmamon ajamfaimamaaray.” Allah emes atakam asakamtammaro. 24Me Allah atakam ji aeemas owe, Armat Ipit takan aemapaaremas. Armat Ipitam era owe takan aemapaareme. Are aJip atetamteterero. Erarawa dare Allah takan aememaaremarom apormarom.
Currently Selected:
1 YOHANES 3: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
