Popular Bible Verses from 1 YOHANES 3

Share

Tiparais! Dare owe bafaim, bwea atakam taka bas. It pitin atakam taka bas. Dare ere, pak baem amaye. Dare owe bafaimnak baem amaye.

Kristus afaimero. Erarawa Are dambir atemtamero. Dare emes apormarom, wanam bafaim paknak apormarom. Emesare, danom emes dambir owe batemtam amaye.

Baporay! Allah daytinak afaimero. Erarawa Armat Ipit atakam akoromero. “Tare deJii.” Emes atakam aesimero. Emesare, dare arereis darare. Ara aemansa tapirmi owe ere, Allah amsam apok. Erarawa, era owe danom amsam apok.

Bii Kapar Ipit, dosa, bonaknak aeemaarir. Erarawa ara dosa aemaaremas owe, Bii Kapar Ipit aowe. Allah Andep ere, Bii Kapar Ipit aememar pak bandanaesumosomkorom ajateeme.

Allah, abimak binip, arereis takes atetameme. Erarawa era owe, dosa baemeemaar asan apok. Allah era owe Aritipit. Erarawa era owe dosa baemeemaar asan apok.

Pak daytu owe, ajoo owe asan pota baemap aportas apaye, wanam are era owe seekot baoorpor apok aemtas apaye, are Allah bafaim apok.

Me Allah atakam ji aeemas owe, Armat Ipit takan aemapaaremas. Armat Ipitam era owe takan aemapaareme. Are aJip atetamteterero. Erarawa dare Allah takan aememaaremarom apormarom.

Era turu pak baemaar apok owe takes, ere Allah arereis apok. Me ajoo owe bafaim apok oweam, Allah arereis apok. Erarawa Allah arereis apa pak apormarom. Bii Kapar Ipit arereisam apa pak apormarom.

Tanom ara atakam bonaknak jane emejiaarukum. “Danom ajamfaimamaaramo.” Emes atakam jane ajiaarukum.

Dejoo owe akotnak! Emesare, ara aemansa tapirmi owe, bifane tara afeomemtan, tanom jinim bae bas.