2 Thessalonians 2
2
1Mitakuyepi, ċa le iċiyuƞġapi, tohaƞl Iṫaƞċaƞ Jesus ku ki haƞ, mniuƞkiċ'iyapi kta uƞ uƞyuwitapi kte, 2oyate eya ikc̄ekc̄eya woglakapi na Iṫaƞċaƞ Jesus ehaƞni hi kʹeya oyate ki wiċayuwijina waċiƞpi ki hena anawiċaġoptaƞpi ṡni yo. Waeyapi ki hena Woniya Wak̇aƞ ki ableswiċaya keyapi kte, naƞiƞṡ tuwe waƞ etaƞ naḣ'uƞpi keyapi kte, naƞiƞṡ wowapi eya uƞkaġapi kʹuƞ he waƞji etaƞ yawapi keyapi kte. 3Eyaṡ nignayapi wiċakiyapi ṡni yo. Wak̇aƞṫaƞka etaƞ oyate ki igluḣlayapi kte. Na hehaƞl Iṫaƞċaƞ ki ku ṡni haƞni, wak̇aƞ ṡiċa waƞ ihaƞgyapi kte kʹuƞ he ṫaƞiƞiċ'iƞyiƞ kte. 4Taku wak̇aƞlapi na oholapi kʹuƞ hena iyuha el igle kte. Waeċuƞ ki he isaƞmiċ'iyiƞ na Tipi Wak̇aƞ el itimahel Wak̇aƞiċ'iya yaƞkiƞ kte. 5Niohaƞ wauƞ waƞ hehaƞ lena oċic̄iyakapi kʹun eyaktuƞjapi hwo? 6Wak̇aƞ ṡiċa ki le tohaƞl u ṡnihaƞni taku waƞ hekta kiya oyuspe ki he slolyayapi. 7Ṫawowaṡʹake ki he waƞna ṫaƞiƞ, eyaṡ tuwa hektakiya oyuspe. Na tuwe waƞ kuṡʹeyaṫuƞ ki le paḣeyab iyeyapi ki hehaƞl wak̇aƞ ṡiċa ki le ṫaƞiƞiċ'iyiƞ kte. 8Hehaƞl taƞiƞiċ'iyiƞ kte, eyaṡ Iṫaƞċaƞ Jesus ṫaoniye eċela uƞ atayela kte iḣṗeyiƞ kte. Wak̇aƞṫaƞka okiṫaƞiƞyaƞ wak̇aƞ ṡiċa ki yutakuƞni ṡniya ihaƞgyiƞ kte. 9Tohaƞl wiċaṡa ṡiċa ki he ṫaƞiƞiċ'iye ki, wak̇aƞ ṡiċa ṫaku ota iṫuƞṗepiċa ċa eċuƞ kuƞziƞ kte, woiṫuƞṗe, wakaƞyela waeċuƞpi, hena ṫaƞiƞ kte. 10Oyate eya onuƞniyata uƞpi kʹuƞ hena taku heċetu ṡni ki hena uƞ wiċagnayapi kte. Oyate ki hena wookiye iċupi okihipi kʹeyaṡ wowiċake ki hena wiċalapi kte ṡni. 11Heuƞ Wak̇aƞṫaƞka oyate ki hena wowiċake ki wiċalapi ṡni wiċakiyiƞ kte. 12Oyate eya heċel iċ'iċaġapi ki hena iyuha wiċakaṡtakapi kte, iċiƞ taku ṡiċe ki hena e eċuƞċiƞpi na wowiċake ki he wiċalapi ṡni. 13Mitakuyepi, Iṫaƞċaƞ Jesus uƞṡinilapi na ċaƞtonignakapi, heċetu ki heuƞ niyepi uƞ Wak̇aƞṫaƞka wopila uƞkʹupi. Wak̇aƞṫaƞka niye ṫokaheya wookiye iyaċupi kta ċa niċaḣnigapi. Ṫaoniye ki uƞ niyuwak̇aƞpi, na wowiċake ki he wiċayalapi. 14Wak̇aƞṫaƞka owahokuƞkiye ki ogna waablesniċiyapi, heċel Iṫaƞċaƞ Jesus Christ ṫawowitaƞ ki yunayeniċiyapi kte. 15Mitakuyepi, leuƞċa taku eya woiye naƞiƞṡ wowapi ogna uƞspeuƞniċiyapi kʹuƞ hena ahoyekiṗapi kte na waċiƞyekiya yauƞpi kte. 16Ate Wak̇aƞṫaƞka teuƞḣilapi uƞ taku waṡteṡte eya yuhauƞkiyapi, hena uƞyuhapi kte iuƞkipipi ṡni kʹeyaṡ yuha uƞkiyapi, hena uƞ oihaƞke waniƞl oċosya uƞkʹuƞpi kte. Wak̇aƞṫaƞka Ate uƞyaƞpi na Iṫaƞċaƞ Jesus Christ 17blihelniyapi na oniċiyapi ki taku heċetu ki hena ohiƞniya ehapi na eċanuƞpi kte.
Currently Selected:
2 Thessalonians 2: LKTNT20
Highlight
Copy
Compare
Share
Want to have your highlights saved across all your devices? Sign up or sign in
© American Bible Society
