Popular Bible Verses from 2 Thessalonians 2

Share

Eyaṡ nignayapi wiċakiyapi ṡni yo. Wak̇aƞṫaƞka etaƞ oyate ki igluḣlayapi kte. Na hehaƞl Iṫaƞċaƞ ki ku ṡni haƞni, wak̇aƞ ṡiċa waƞ ihaƞgyapi kte kʹuƞ he ṫaƞiƞiċ'iƞyiƞ kte.

Mitakuyepi, Iṫaƞċaƞ Jesus uƞṡinilapi na ċaƞtonignakapi, heċetu ki heuƞ niyepi uƞ Wak̇aƞṫaƞka wopila uƞkʹupi. Wak̇aƞṫaƞka niye ṫokaheya wookiye iyaċupi kta ċa niċaḣnigapi. Ṫaoniye ki uƞ niyuwak̇aƞpi, na wowiċake ki he wiċayalapi.

Taku wak̇aƞlapi na oholapi kʹuƞ hena iyuha el igle kte. Waeċuƞ ki he isaƞmiċ'iyiƞ na Tipi Wak̇aƞ el itimahel Wak̇aƞiċ'iya yaƞkiƞ kte.

Ate Wak̇aƞṫaƞka teuƞḣilapi uƞ taku waṡteṡte eya yuhauƞkiyapi, hena uƞyuhapi kte iuƞkipipi ṡni kʹeyaṡ yuha uƞkiyapi, hena uƞ oihaƞke waniƞl oċosya uƞkʹuƞpi kte. Wak̇aƞṫaƞka Ate uƞyaƞpi na Iṫaƞċaƞ Jesus Christ blihelniyapi na oniċiyapi ki taku heċetu ki hena ohiƞniya ehapi na eċanuƞpi kte.

Heuƞ Wak̇aƞṫaƞka oyate ki hena wowiċake ki wiċalapi ṡni wiċakiyiƞ kte.

Tohaƞl wiċaṡa ṡiċa ki he ṫaƞiƞiċ'iye ki, wak̇aƞ ṡiċa ṫaku ota iṫuƞṗepiċa ċa eċuƞ kuƞziƞ kte, woiṫuƞṗe, wakaƞyela waeċuƞpi, hena ṫaƞiƞ kte. Oyate eya onuƞniyata uƞpi kʹuƞ hena taku heċetu ṡni ki hena uƞ wiċagnayapi kte. Oyate ki hena wookiye iċupi okihipi kʹeyaṡ wowiċake ki hena wiċalapi kte ṡni.

Ṫawowaṡʹake ki he waƞna ṫaƞiƞ, eyaṡ tuwa hektakiya oyuspe. Na tuwe waƞ kuṡʹeyaṫuƞ ki le paḣeyab iyeyapi ki hehaƞl wak̇aƞ ṡiċa ki le ṫaƞiƞiċ'iyiƞ kte.