2 Thessalonians 3
3
Pray for Us
1Ahakeḣc̄i, mitakuyepi, waċeuƞkiċ'ic̄iyapiye. Heċel Iṫaƞċaƞ Ṫawoṫaƞiƞ Waṡte ki kaowaƞċaya iyayiƞ kte, na ahoyaṗe ki he iyeċel oyate ki iƞṡʹeya ahoṗapi kte. 2Oyate ṡiċa eya uƞċihipi ṡni ki hena etaƞhaƞ kaiƞwaƞgyagya uƞkʹuƞpi kta ċeuƞkiċic̄iyapiye. Eċiƞ tuwe ke eyaṡ wowiċalayuhapi ṡni.
3Eyaṡ Wak̇aƞṫaƞka e wookiye yuha na awaƞniyakiƞ kte ki he iwaċiƞyaƞpi okihipi. 4Wak̇aƞṫaƞka waċiƞuƞniyapi uƞkokihipi ki he ablesuƞkiyapi, na saƞmṗaya ohoyalapi kte ki he k̇o.
5Wak̇aƞṫaƞka hoyewakiye, he ṫawowauƞṡila ki iyeċel wauƞṡiyalapi kte na Christ waċiƞṫaƞka ki he iyeċel nigluhapi kte.
Uƞc̄ihip̄i Ṡni Ki Waṡte Ṡni
6Mit̄ak̄uyep̄i, niṫoyat̄e eya Woṫaƞiƞ Waṡte ki iwiċauƞyaksap̄ap̄i eyaṡ wanaḣʹuƞp̄i ṡni na uƞc̄ihip̄i ṡni. Oḣʹaƞhaƞhaƞ opiicʹiyap̄i. Hena wiċiḣayab eċuƞp̄o. 7Niohaƞ uƞkʹuƞp̄i eċuƞhaƞ, oḣʹaƞhaƞhaƞ opiuƞk̄icʹiyap̄i ṡni 8na wic̄aiju ċola wouƞkʹup̄i kta wauƞktap̄i ṡni yelo. Iksab-uƞniyap̄i uƞċiƞp̄i ṡni ċa aƞp̄et̄u iyohila na haƞhepi iyagleya t̄ohaƞok̄ik̄a[tohaƞyaƞ uƞkokihipi ki hehaƞyaƞ]wowaṡi eċuƞkʹuƞp̄i. 9Wook̄iye uƞlap̄i uƞk̄ok̄ihip̄i eyaṡ wowaṡi eċuƞp̄i ki he t̄ak̄omni uƞniċip̄azop̄i ki waṡte kte. 10Wowaṡi eċanup̄i ṡni haƞt̄aƞṡ wayat̄ap̄i kte ṡni. Wooṗe ki le hehaƞ uƞnicʹup̄elo.
11Yuƞk̇aƞ huƞḣ oḣʹaƞhaƞhaƞ yauƞp̄i na wowaṡi eċuƞyak̄ap̄ip̄i ṡk̇a nauƞḣʹuƞp̄i. Ec̄ela oyate uƞma ki ik̄aġinicʹiyap̄i ṡke yelo. 12Ċa, Jesus Christ he uƞ ṫaƞtaƞhaƞ, oyate ki lena [iwaho wiċauƞyapi] heċel ṫaƞkakaya wiyukc̄aƞpi na tokel nipi kta uƞ wowaṡi iċuƞpi kte.
13Mitakuyepi, taku waṡte eċanuƞpi ki he tohiƞniya iwatuk̇api ṡni yo. 14Wowapi waƞ uƞkaġapi ki le etaƞ heċetuyawapi ṡni ki hena etaƞhaƞ iwaktaya uƞpo. Hena anawiċayaġoptaƞpi ṡni ki haƞ iye iṡteliċ'iyapi kte. 15Hena ṫoka wiċayayapi kte ṡni, eṡʹeyaṡ, etaƞ taƞyaƞ uƞpi ki tokel ċaƞtewiċayakiyuzapi ki he iyeċel iƞṡʹeya lena owiċayakuwapi kte.
Final Words
16Wak̇aƞṫaƞka hoyewakiye, taku waƞ wolakota uƞyaƞpi ki he uƞkʹupi na heuƞ ohiƞniya niyawaṡtepi kte. Wak̇aƞṫaƞka niċipi uƞ nuƞwe.
17Wowapi ki hena owamigluṡtaƞ ċaƞna leċel ṡna ċaje omigwa: PAUL.
18Iṫaƞċaƞ Jesus Christ ṫawowaṡte ki uƞ niyawaṡtepi nuƞwe.
Currently Selected:
2 Thessalonians 3: LKTNT20
Highlight
Copy
Compare
Share
Want to have your highlights saved across all your devices? Sign up or sign in
© American Bible Society
