1 Thessalonians 5
5
1Tohaƞtuċa lena heċetu kte ki wowapi oċiciwapi ṡni. 2Wamanu wiċaṡa ki haƞhepi eċuƞhaƞ tuweni wakta ṡni waƞhehaƞl wowaṡi eċuƞ, he iyeċel Iṫaƞċaƞ ki ku kte, le taƞyaƞ ablezapo. 3Oyate ki taƞyaƞ uƞ iyukċaƞpi eyaṡ ognahelaka kahiƞl iyewiċayapi kte, wiƞyan waƞji hokṡiyuha kta uƞ teḣi waƞyaƞke ki he iyeċel ognahelawiċayapi kte. Na he hetaƞhaƞ kpaptapi okihipi kte ṡni. 4Mitakuyepi, ṫawaċiƞ nitaƞyaƞpi uƞ wiċotakuni oiyokpasya ohaƞ yauƞpi ṡni, ċa aƞpetu ihaƞkeya ki he wamanu wiċaṡa sʹe yuṡʹiƞyeniyapi kte ṡni. 5Ṫawaċiƞ iwiċaiyozaƞzaƞpi ki heuƞċapi heuƞ aƞpetu iyoyamya he ki he ohaƞ uƞkʹuƞpi. Haƞhepi ohaƞ uƞkʹuƞpi ṡni na haƞoiyokpaza ki heuƞtaƞhaƞpi ṡni. 6Uƞmaki iṡtimapi, eyaṡ uƞkiye blihelya kikta uƞkʹuƞpi kte. 7Haƞhepi ċaƞ oyate ki iṡtimapi, huƞḣ e kayeṡ itomni iċ'iyapi. 8Eyaṡ ṫawaċiƞ iwiċaiyojaƞjaƞpi ki heuƞtaƞhaƞpi. Heuƞ ṫablesyahaƞ uƞkʹuƞpi kte na taku wiċauƞlapi na ċaƞteuƞkognakapi ki he taku wahaċaƞka uƞyapi ki he iyeċel uƞgluhapi kte. Taku waƞ ċantekiċ'uƞyaƞ wiċauƞlapi ki he wahaċaƞka sʹe waṗaha uƞyaƞpi kte. 9Wak̇aƞṫaƞka uƞkaṡtakapi kta iyukċaƞ ṡni, eyaṡ iyeṡ Iṫaƞċaƞ Jesus Christ iyoḣlogya niuƞyaƞpi ċiƞ. 10Christ uƞkiyepi uƞ tʹe, heċel tohaƞl u kihaƞ uƞtʹapi naƞiƞṡ niuƞkʹuƞpi kʹeyaṡ kiċi uƞkʹuƞpi kte 11Leuƞ ċa [iƞniyaƞ ṡni]- keep on helping each other-oyeċiyapi kte na blihelniċ'iyapi kte. 12Mitakuyepi, oiniṫaƞċaƞpi eya niohaƞ ṡkiƞċiyapi kʹuƞ hena wiċaluonihaƞpi kta iwaċiƞuƞniyaƞpi, hena Iṫaƞċaƞ ṫaoye ki ogna taƞyaƞ aniyapi kta uƞ heċuƞpi. 13Wowaṡi eċuƞpi ki he uƞ wiċayuonihaƞpo. Na taƞyaƞ uƞ waċiƞpo. 14Mitakuyepi, anuƞġoptaƞpiye na tuwe ki iyuha iċel igluhapi kta iwaho wiċayayapi kte. Etaƞ tuwepi ṡni sʹe awiċ'iwaċiƞpi kʹuƞ hena blihelwiċayayapi kte, huƞkapi ṡni ki hena owiċayakiyapi kte, na tuwe ki iyuha waċiƞṫaƞgya owiċayakuwapi ktelo. 15Oyate ki waḣtenilapi ṡni ki heuƞ niṡʹeya heċel ċaƞte wiċaluzapi kte ṡni. Eṡʹeyaṡ, ċaƞte waṡteya opiniċ'iyapi na tuwe ki iyuha ob taƞyaƞ yauƞpi kte. 16Ohiƞniyaƞ iyuṡkiƞyaƞ uƞpo 17na Wak̇aƞṫaƞka hoyeyakiyapi kta igluwiƞyeya uƞpo. 18na taku tok̇a kʹeyaṡ Jesus Christ iyoḣlogya Wak̇aƞṫaƞka wopila kʹupo, Leċel Wak̇aƞṫaƞka ċiƞniċiyapi. 19Woniya Wak̇aƞ ki ikaġiyayapi kte ṡni 20naƞiƞṡ waayaṫaƞiƞpi sʹa ki hena iwaḣtewiċalapi ṡni yo. 21Taku waṡte ki hena gluhapi na taku oma ki hena taƞyaƞ iwaƞyaƞka po. 22Na taku heċetu ṡni ki hena etaƞ iḣayab igluhapo 23Wak̇aƞṫaƞka waƞ wolakota oyate ki ċiƞwiċakiye ki he woohola niċ'u kta. Na Iṫaƞċaƞ Jesus Christ gli ṡni hehaƞyaƞ, ninaġi ki, ena niṫaċaƞ ki wozaƞni niċ'u kte. 24Waƞji niċaḣniġe ki he waċiƞyepiċa, na taku eye ki he eċel eċuƞ kte. 25Mitakuyepi, Wak̇aƞṫaƞka hoyeyakiyapi ki haƞ uƞkiṡʹeya uƞkiksuyapiye. 26Iṫaƞċaƞ Jesus ihakab uƞpi ki hena ċaƞte etaƞhaƞ nape owiċauƞyuspapi. 27Wak̇aƞṫaƞka ṫawowaṡʹake ki iyoḣlogya, wowapi ki le Iṫaƞċaƞ wiċalapi kʹuƞ hena iyuha wiċakiċilawapi kte. 28Iṫaƞċaƞ Jesus Christ uƞṡinilapi kta ċewakiye!
Currently Selected:
1 Thessalonians 5: LKTNT20
Highlight
Copy
Compare
Share
Want to have your highlights saved across all your devices? Sign up or sign in
© American Bible Society
