1 Thessalonians 4
4
1Mitakuyepi, ahakeḣc̄i leṗawaċiƞ, waƞna Iṫaƞċaƞ Jesus niyuhapi ki heuƞ, tokel wauƞspe uƞniċiyapi kʹuƞ he iyeċel nigluhapi kte. He ogna yauƞpi ki he isaƞmya ṡkiƞniċ'iyapi kte. 2Iṫaƞċaƞ Jesus ihakab uƞpi ki woiyaksape eya uƞniċ'upi waƞ hena kiksuyapo. 3Wak̇aƞṫaƞka wak̇aƞya nigluhapi ċiƞ, heuƞ wiċowiċaṡaṡni etaƞhaƞ ḣayab nigluzapi kte. 4Niṫawiċu ki yagluonihaƞ kte. 5Oyate eya Wak̇aƞṫaƞka slolyapi ṡni sʹe uƞpi, na wiċaṡaṡniya akiċisċupi ki hena owiċaṗapi ṡni yo. 6Wiċoṫawaċiƞ ṡiċa ċaƞtiheya[ċaƞte-iheya]yauƞpi kte ṡni. Etaƞ heċel uƞpi ki hena Wak̇aƞṫaƞka wiċakaṡtakiƞ kte ki he kiksuyapo. 7Wiċaṡaṡniya yauƞpi kta uƞ Wak̇aƞṫaƞka niċaḣniġapi ṡni, tk̇a eyaṡ ƞiyueċetupi kta uƞ ċa hecuƞ. 8Ca wooṗe ki lena ahoyaṗapi ṡni haƞtaƞnaṡ, uƞkiyeċa anauƞyaġoptaƞpi ṡni eyaṡ, Wak̇aƞṫaƞka eċa anayaġoptaƞpi ṡni, he Woniya Wak̇aƞ ki niċ'upi ki he e. 9Tokel uƞṡiyeċilapi kte ki he uƞkoniċiyakapi kte ṡni, eċiƞ Wak̇aƞṫaƞka le uƞspeniċiyapi, 10na Macedonia mak̇oċe el oyate ki iyuha uƞṡiwiċayalapi ki ki he yakpazopi. Mitakuyepi, eṡʹeyaṡ isaƞmya waoyakiyapi kta iwaċiƞ uƞniyapi. 11Waḣwayela opiniċ'iyapi kte, na taku niṫawa ṡni ki hena el aik̇oyagniċ'iyiƞ kte ṡni, e taku iyoniwaja ki hena el ṡkiƞniċ'iyiƞ kte, leċel uƞspeuƞniċiyapi kʹuƞ he ogna. 12Heċel oyate eya Iṫaƞċaƞ Jesus ihakab uƞpi ki hena niyuonihaƞpi kte, na tuweni takuni iwaċiƞyaƞyiƞ kte ṡni. 13Mitakuyepi, Jesus ihakab uƞpi eya mak̇a wiċoni ekignakapi kʹuƞ hena tokeṡke uƞpi kte ki he okaḣniḣuƞnikiyapi uƞċiƞpi. heċel oyate eya waċiƞyeye ṡniya awiċaċeyapi ki he iyeċel yaċeyapi kte ṡni.
14Jesus tʹiƞ na ake yukinipi ki he wiċauƞlapi. Naƞhaƞ nakuƞ saƞmṗaya leċel wiċauƞlapi, tohaƞl Wak̇aƞṫaƞka Jesus ake aku kihaƞ, etaƞ Jesus wiċalaya tʹapi kʹuƞ hena ob ku kte. 15Iṫaƞċaƞ Jesus uƞkokiyakapi, tohaƞl ku ki etaƞ uƞkiṫokabya wiċuƞtʹe slolyapi ki hena wiċiṫokabya uƞkiyayapi kte ṡni 16Hoṫaƞkaya yaoṫaƞiƞpi kte na ogligle wak̇aƞ oiṫaƞċaƞ ki he wayazo kte, Iṫaƞċaƞ Jesus maḣpiya taƞhaƞ ku kte. Hehaƞl etaƞ tʹapi ṡni haƞni Christ wiċalapi waƞ hena wiċayukinipi kte. 17Na hehaƞl uƞkiṡʹeya yuwaƞkal uƞkiċupi kte na maḣpiya ohaƞ oma ki hena ob Iṫaƞċaƞ Jesus ata uƞyapi kte. Na hetaƞhaƞ oihaƞke waƞnil kiċi uƞkʹuƞpi kte. 18Woiye ki lena uƞ bliheliċ'iyapo.
Currently Selected:
1 Thessalonians 4: LKTNT20
Highlight
Copy
Compare
Share
Want to have your highlights saved across all your devices? Sign up or sign in
© American Bible Society
