Popular Bible Verses from 1 Thessalonians 5

Share

Ohiƞniyaƞ iyuṡkiƞyaƞ uƞpo na Wak̇aƞṫaƞka hoyeyakiyapi kta igluwiƞyeya uƞpo. na taku tok̇a kʹeyaṡ Jesus Christ iyoḣlogya Wak̇aƞṫaƞka wopila kʹupo, Leċel Wak̇aƞṫaƞka ċiƞniċiyapi.

Wak̇aƞṫaƞka waƞ wolakota oyate ki ċiƞwiċakiye ki he woohola niċ'u kta. Na Iṫaƞċaƞ Jesus Christ gli ṡni hehaƞyaƞ, ninaġi ki, ena niṫaċaƞ ki wozaƞni niċ'u kte. Waƞji niċaḣniġe ki he waċiƞyepiċa, na taku eye ki he eċel eċuƞ kte.

Oyate ki waḣtenilapi ṡni ki heuƞ niṡʹeya heċel ċaƞte wiċaluzapi kte ṡni. Eṡʹeyaṡ, ċaƞte waṡteya opiniċ'iyapi na tuwe ki iyuha ob taƞyaƞ yauƞpi kte.

Leuƞ ċa [iƞniyaƞ ṡni]- keep on helping each other-oyeċiyapi kte na blihelniċ'iyapi kte.

Mitakuyepi, anuƞġoptaƞpiye na tuwe ki iyuha iċel igluhapi kta iwaho wiċayayapi kte. Etaƞ tuwepi ṡni sʹe awiċ'iwaċiƞpi kʹuƞ hena blihelwiċayayapi kte, huƞkapi ṡni ki hena owiċayakiyapi kte, na tuwe ki iyuha waċiƞṫaƞgya owiċayakuwapi ktelo.

Wak̇aƞṫaƞka uƞkaṡtakapi kta iyukċaƞ ṡni, eyaṡ iyeṡ Iṫaƞċaƞ Jesus Christ iyoḣlogya niuƞyaƞpi ċiƞ.

Ṫawaċiƞ iwiċaiyozaƞzaƞpi ki heuƞċapi heuƞ aƞpetu iyoyamya he ki he ohaƞ uƞkʹuƞpi. Haƞhepi ohaƞ uƞkʹuƞpi ṡni na haƞoiyokpaza ki heuƞtaƞhaƞpi ṡni.