Nth 13
13
1Mwana mũĩ nĩwĩw'aa ũmanyĩsyo wa ĩthe wake,
ĩndĩ ũla wĩ kĩvũthya ndew'aa ũkany'o.
2Mũndũ mũseo akwataa syĩndũ nzeo kumana na ndeto syake,
ĩndĩ wendi wa nzeleke nĩ kwĩka ũthũku.
3Ũla ũsũvĩaa ndeto syake nĩwĩkalasya thayũ wake,
ĩndĩ ũla ũneenaa ndeto ateũsũanĩa nũminaa thayũ wake mwene.
4Mũndũ mũtulu nĩwĩthĩawa na wendi, na ndakwataa kĩndũ,
ĩndĩ ũla wĩ kĩthito nũkwataa syĩndũ mbingĩ.
5Mũndũ mũlũngalu nũmenaa ũvũngũ,
ĩndĩ mũndũ mũthũku ekaa maũndũ me nthoni na me kĩvũthya.
6Ũlũngalu nũsũvĩaa mũndũ ũla wĩkaa maũndũ maĩlu,
ĩndĩ naĩ nĩminaa mũndũ mũthũku.
7Mũndũ nũtonya kwĩtw'ĩkĩthya mũthwii, ĩndĩ nde kĩndũ,
na ũngĩ nũtonya kwĩtw'ĩkĩthya ngya, ĩndĩ ayĩthĩwa e na ũthwii mwingĩ.
8Ũthwii wa mũndũ nũtonya kwovosya thayũ wake,
ĩndĩ mũndũ ngya nde kĩndũ kĩtuma atelemw'a.
9Ala alũngalu nĩ taa ũendeeaa kwakana,
ĩndĩ ala athũku nĩ taa mũvosye.
10Ngathĩĩo nietae ĩteta,
ĩndĩ ala makwataa ũtao nĩmethĩawa na ũĩ.
11Ũthwii ũla ũkwatawa na nzĩa ĩtaĩlĩte ũendeeaa kũthela o mbola,
ĩndĩ ũla wũmbanasya nini kwa nini nĩwĩthĩawa na ũthwii mwingĩ.
12Ũndũ ũla mũndũ wĩkwatĩtye watĩa, nũkusaa ngoo,
ĩndĩ ũndũ ũla mũndũ ũkwenda weanĩa, nĩwĩthĩawa na ũtanu.
13Ũla ũvũthasya ũtao eyĩeteae wanangĩko we mwene,
ĩndĩ ũla wĩanĩasya mwĩao nũtuvawa.
14Ũmanyĩsyo wa mũndũ mũĩ nĩ kĩthima kya thayũ,
nũtumaa mũndũ atalika kĩteinĩ kya kĩkw'ũ.
15Ũmanyi mũseo nũetae ũseo,
ĩndĩ nzĩa ya ala mate aĩkĩĩku ĩmelekelye wanangĩkonĩ.
16Mũndũ wĩ kĩlĩko ekaa maũndũ onthe na ũmanyi,
ĩndĩ ndia nĩyonanasya ũtumanu wayo.
17Mũtũmwa mũthũku nũlikasya andũ thĩnanĩ,
ĩndĩ mũtũmwa mũĩkĩĩku nũetae ũvosyo.
18Mũndũ ũla ũleaa ũmanyĩsyo atw'ĩkaa ngya na wa kũvũthw'a,
ĩndĩ ũla wĩtĩkĩlaa ũkany'o nũkumaw'a.
19Mũndũ nũtanaa ũndũ ũla ũkwenda weanĩa,
ĩndĩ ndia nĩthataw'a nĩ kũtia naĩ.
20Ũla ũendanasya na andũ oĩ nĩwũĩvaa,
ĩndĩ ũla ũtindanasya na ndia akathĩna.
21Ũthũku nũkwataa eki ma naĩ,
ĩndĩ ala alũngalu nĩmekawa nesa.
22Mũndũ mũseo nũtiĩaa esũkũũe ũtiĩwa,
ĩndĩ ũthwii wa ũla wĩkaa naĩ wiĩwe ala alũngalu.
23Ngya nĩkethaa lĩu mwingĩ kuma mũũndanĩ wayo,
ĩndĩ ngetha ĩsu nĩyosawa kwa nzĩa ya ũsili ũte wa katĩ.
24Ũla ũtakanasya mwana wake nũmũmenete,
ĩndĩ ũla ũmwendete nũmũkanasya ĩvinda yĩla yaĩlĩte.
25Mũndũ mũlũngalu ethĩawa na lĩu ũmwĩanĩe,
ĩndĩ mũndũ mũthũku ndavũnaa.
Currently Selected:
Nth 13: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
