Popular Bible Verses from Nth 13

Share

Ũla ũendanasya na andũ oĩ nĩwũĩvaa, ĩndĩ ũla ũtindanasya na ndia akathĩna.

Ũla ũsũvĩaa ndeto syake nĩwĩkalasya thayũ wake, ĩndĩ ũla ũneenaa ndeto ateũsũanĩa nũminaa thayũ wake mwene.

Ũla ũtakanasya mwana wake nũmũmenete, ĩndĩ ũla ũmwendete nũmũkanasya ĩvinda yĩla yaĩlĩte.

Ũndũ ũla mũndũ wĩkwatĩtye watĩa, nũkusaa ngoo, ĩndĩ ũndũ ũla mũndũ ũkwenda weanĩa, nĩwĩthĩawa na ũtanu.

Ũlũngalu nũsũvĩaa mũndũ ũla wĩkaa maũndũ maĩlu, ĩndĩ naĩ nĩminaa mũndũ mũthũku.

Ũthwii ũla ũkwatawa na nzĩa ĩtaĩlĩte ũendeeaa kũthela o mbola, ĩndĩ ũla wũmbanasya nini kwa nini nĩwĩthĩawa na ũthwii mwingĩ.

Ngathĩĩo nietae ĩteta, ĩndĩ ala makwataa ũtao nĩmethĩawa na ũĩ.

Mũndũ mũseo nũtiĩaa esũkũũe ũtiĩwa, ĩndĩ ũthwii wa ũla wĩkaa naĩ wiĩwe ala alũngalu.

Mwana mũĩ nĩwĩw'aa ũmanyĩsyo wa ĩthe wake, ĩndĩ ũla wĩ kĩvũthya ndew'aa ũkany'o.

Mũndũ ũla ũleaa ũmanyĩsyo atw'ĩkaa ngya na wa kũvũthw'a, ĩndĩ ũla wĩtĩkĩlaa ũkany'o nũkumaw'a.