Ĩsa 9
9
Kũsyawa kwa Mũnene wa Mũuo
1 #
Mat 4.15
Ĩndĩ nthĩ ĩla yaĩ na woo ndĩkaendeea kwĩkala kĩvindunĩ kĩu. Ĩvindanĩ ĩvĩtũku, Ngai nĩwatumaa nthĩ ya Nzevuluni na ya Navutalĩ ivũthw'a, ĩndĩ ĩvindanĩ yũkĩte akatuma kĩsio kĩla kĩ ũtee wa ũkanga na nthĩ ĩla yĩ mũingo wa Ũsĩ wa Yolotani, o vamwe na Kalilii vala vekalaa andũ ma nthĩ ingĩ iendeea nesa.
2 #
Mat 4.16; Lk 1.79 Andũ ala maendaa me kĩvindunĩ,
nĩmonete kyeni kĩnene.
Ala matwĩe nthĩ yĩ kĩvindu kya ngokomi,
yu nĩmamulĩkĩlwe nĩ kyeni.
3Naku we Mwĩai Ngai nĩwingĩvĩtye andũ ma nthĩ ĩsu,
na ũkongeleela ũtanu woo;
matanaa me mbee waku,
o tondũ andũ matanaa ĩvindanĩ ya ngetha,
na o tondũ matanaa yĩla mekũaana mũtavo.
4Nĩkwĩthĩwa ĩsoki ĩito yĩla makuĩte,
mũtĩ ũla moovetwe ituonĩ,
na ndata ya ũla wamathĩnasya,
nĩwitũlangĩte o ũndũ weekie ĩvinda yĩla wasindie andũ ma Mitiani.
5Iatũ syonthe sya asikalĩ ala me kaũnĩ,
na ngũa syonthe ila iindĩtwe nthakamenĩ,
ikavĩvw'a na mwaki ithele vyũ.
6Nĩkwĩthĩwa kana nĩkasyaĩtwe kwondũ witũ,
nĩtũnengetwe kavĩsĩ;
nako kakanengwa ũtonyi wa kũsumbĩka.
Kakeetwa: “Mũtai wa Kũseng'ya,
Ngai wĩ Ũtonyi,
Ĩthe wa Tene na Tene,
Mũsumbĩ wa Mũuo.”
7 #
Lk 1.32-33
Ũsumbĩ wake ũkaendeea kwongeleka vinya,
na mũuo wa ũsumbĩ wake ndũkathela.
Akasumbĩka ekalĩle kĩvĩla kya kĩ-ũsumbĩ kya Ndeviti,
na kũsumbĩka ũsumbĩ wa Ndeviti,
akaũlũlũmĩĩlya na kũwũendeesya,
aitũmĩa sila wa katĩ na ũlũngalu,
kuma yu na kũvika tene na tene.
Kwenda kũnene kwa Mwĩai Ngai Mwene Ũtonyi W'onthe kũkatuma ũndũ ũsu wĩanĩa.
Ũkany'o wa Mwĩai Ngai kwa Ĩsilaeli
8Mwĩai Ngai nũnenganĩte ũtũmani wa ũsilĩlo kwa nzyawa sya Yakovo,
naw'o ũkavika Ĩsilaeli.
9Andũ onthe makamanya,
mbaĩ ya Evalaimu ala matwĩe Samalia,
ala maneenaa na ngathĩĩo na ũng'endu makasya atĩĩ:
10“Ngũta sya mavali nĩ mbalũku,
ĩndĩ ithyĩ tũkasyaka ĩngĩ na mavia masũvye!
Ituĩ sya mĩkũyũ nĩ ndemange,
ĩndĩ ithyĩ tũkeekĩa ingĩ sya mĩkũũ vandũ vasyo!”
11Kwondũ wa ũu Mwĩai Ngai akamaetee nthũ syoo,#9.11 nthũ syoo Maandĩko Matheu kĩthyomonĩ kya Kĩevelania maĩtye nthũ sya Lesini.
akathangaasya amaitha moo makamokite.
12Asuli ngalĩko ya wumĩlonĩ wa syũa,
na Avilisiti ngalĩko ya ũthũĩlonĩ wa syũa,
mathamĩtye makanyw'a moo mamelye Ĩsilaeli.
Ĩndĩ o na ũu wĩ o vo, ũthatu wa Mwĩai Ngai ti mũthelu,
na no ũtambũũkĩtye kw'oko kwake amakany'e.
13O na vala nĩwamakanisye mayaamũsyokea,
mayaamũmantha Mwĩai Ngai Mwene Ũtonyi W'onthe.
14Kwoou Mwĩai Ngai akatila kuma Ĩsilaeli mũtwe na kĩsithe,
akatila ũvonge wa mũkĩndũ na mũangi mũthenya ũmwe.
15Andũ ala akũũ na ala me ndaĩa nĩmo mũtwe,
na athani ala mamanyĩasya ũvũngũ nĩmo kĩsithe.
16Nũndũ ala matongoeasya andũ aa nĩmo matumaa mavĩtya,
na ala matongoeaw'a nĩmo maaw'a.
17Kwoou Mwĩai ndatanaw'a nĩ ana moo,
na ndew'ĩaa tei ala makw'ĩĩwe nĩ aaĩthe kana aka ndiwa,
nĩkwĩthĩwa kĩla mũndũ nde na kĩkĩo kya Ngai na nĩ mwĩki wa naĩ,
na kĩla mũndũ aneenaa maũndũ mathũku.
Ĩndĩ o na ũu wĩ o vo, ũthatu wa Mwĩai Ngai ti mũthelu,
na no ũtambũũkĩtye kw'oko kwake amakany'e.
18Ũthũku woo wakanaa ta mwaki,
ũla ũvĩvasya ũkamina mĩtae na mĩw'a,
na ũvĩvasya ikuthu ila syĩ kĩthekanĩ,
ũkaumya syũki ĩkamu yĩla yambataa ĩũlũ ĩtunĩ.
19Nũndũ wa ũthatu mwingĩ wa Mwĩai Ngai Mwene Ũtonyi W'onthe,
nthĩ nĩvĩvĩtw'e vyũ,
na andũ nĩ ta mo ngũ sya mwaki ũsu.
Vai mũndũ ũmwĩw'ĩaa mwana-a-inyia tei.
20Ngalĩko ĩmwe nĩmavenanaa lĩu, ĩndĩ maendeeaa kwĩw'a nzaa,
ngalĩkonĩ ĩla ĩngĩ nĩmaĩsaa kĩla moona, ĩndĩ maivũnaa;
kĩla ũmwe o na nũĩsaa syana syake mwene.
21Andũ ma Manase mavithũkĩaa andũ ma Evalaimu,
namo andũ ma Evalaimu maivithũkĩa andũ ma Manase,
na me vamwe maivithũkĩa Yuta.
Ĩndĩ o na ũu wĩ o vo, ũthatu wa Mwĩai Ngai ti mũthelu,
na no ũtambũũkĩtye kw'oko kwake amakany'e.
Currently Selected:
Ĩsa 9: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
